Bertsoak - Fitxa ikusi Atal honi buruz gehiago jakiteko
2013-10-19 Tolosa Lagun-artekoa [Bertsoa] / Sebastian Lizaso
| Bertsoa entzun |
2013-10-19 Tolosa Lagun-artekoa [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Inork ez daki nun egon leiken
zorionaren atea
ta ez badator alperrikan da
atzetik bila joatea.
Nahiz ta lortzeko hemen bakoitzak
daukagun borondatea
ez da nahikoa sasoia eta
kartera diruz betea
balio duna daukagunakin
geu konforme egotea. (bis)
Hainbeste amets izaten dira
zorionaren zutabe
eta noizbaiten bete ezkero
norberetzako mesede.
Zeure buruai galde lehenbizi
"Aizu konforme al zaude?"
eta seguru izango dala
zoriontasunan jabe
berak nahi duna egiten duna
inoi minik eman gabe. (bis)
Zoriontsua izan nahi hori
degu bakoitzan ardura
eta bakoitzak bilatu behar
tokatzen zaion modura.
Utzi albora inbidia ta
gorrotoaren lotura
ta zoriontsu biziko dela
denok erori kontura
ingurukoei eman ezkero
norberak sentitze'un hura. (bis)
Datu-base honetan eskainitako informazioari buruz jakiteko, kontsultatu lege oharra