Bertsoak - Fitxa ikusi Atal honi buruz gehiago jakiteko
2013-04-06 Gabiria Sariketa [Bertsoa] / Nerea Ibarzabal, Imanol Uria
Bertsoa entzun |
2013-04-06 Gabiria Sariketa [Bertsoa] / Nerea Ibarzabal, Imanol Uria
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
N. Ibarzabal
Batera zenbat egun
eta zenbat kasu!
Konpainiak ez digu
egin enbarazu
baina behingoz gauza bat
jakin behar dozu:
lehenengo egunetik
zorauta naukazu
zure bihotzan sarean
harrapatu nozu. (bis)
I. Uria
Metafora bota du
erabat sakona
holakotan abila
ez ei da gizona.
Gustokoa nauzula
izango da broma
oraindik ez didazu
altxatu-ta gona
bada ez zara oso
arrantzale ona. (bis)
N. Ibarzabal
Sarritan hurratu naz
zure ingurura
baina eskua sartzeko
eiten neban duda.
Begiratu zeruan
kaioen lilura
bizi gaitezen biok
nahi dogun modura
zugaz ukitu nahi dot
behingoz ortzimuga! (bis)
I. Uria
Oheratzean daude
antza zure metak
baina niri balantza
egin dit orekak
eman nahi badituzu
ohe baten bueltak
utzizu ortzimugak
eta gogoetak
arrantzaleak gara
eta ez poetak. (bis)
N. Ibarzabal
Ez eizun poesia
oin lurretik bota
urak be biguntzen dau
sarritan arroka.
Ointxe hozka eingo'tsut
hamengo kokota.
Bardin dost bota ezkero
zuk oin niri bronka
gehiago itxarotea
ja ez doste inporta. (bis)
I. Uria
Esan didazuna da
han gauza polita
eta ezetz banio
a ze hipokrita!
Eskatu nahi didazu
gauerako zita
nahi baduzu gelara
egizu bisita
gauez ez dut utziko
atea itxita. (bis)
Datu-base honetan eskainitako informazioari buruz jakiteko, kontsultatu lege oharra