Bertsoak - Fitxa ikusi Atal honi buruz gehiago jakiteko
Eskoziaren gaztaka [Bertsoa] / Jon Maia
Eskoziaren gaztaka [Bertsoa] / Jon Maia
Neurria:
Hamarreko txikia (hg) / Bost puntuko txikia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Argia [Aldizkaria] Argitalpen data:
2014-09-21
Kokapena:
XDZ - Xenpelar Dokumentazio Zentroa
Duela hiru urte
zabaldu zen Gazta
esanez: mundu bolak
zati asko dauzka.
Ez garela ardiak,
ez dugu nahi bazka...
eta hartuz geroztik
artzainaren kasta
“gaztaka” itxura hartzen
ari da gatazka.
Eskoziarengan dago
munduko begia
baina gazta honek ere
nola ilargia
soilik bistatu arren
argidun erdia
badu beste erdi bat,
beste aurpegia
hemen falta duguna:
Londres, alegia.
Eskozian herritarrek
behar dute hauta
Britainia Handiaren
In-a edo out-a
hautatzea da gako
zer hauta da mauka
orain ukapenean
“europeizauta”
jarraitu nahi duenak
zailagoa dauka.
Datu-base honetan eskainitako informazioari buruz jakiteko, kontsultatu lege oharra