Bertsoak - Fitxa ikusi Atal honi buruz gehiago jakiteko
2014-03-23 Gernika-Lumo Jaialdia [Bertsoa] / Arkaitz Estiballes
Bertsoa entzun |
2014-03-23 Gernika-Lumo Jaialdia [Bertsoa] / Arkaitz Estiballes
Neurria:
Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip)
Kokapena:
XDZ - Xenpelar Dokumentazio Zentroa
Distantzia neurtzen
nola leike jardun?
Denboran zein metrotan
argi dezagun.
Denboran izan leikez
hamar mila egun
ta metrotan neurtzen
sarri gara jardun
ta bada maitasun
distantzia ilun
soilik hamar gutun
horrenbeste lagun
urruti daude baina
ez daude urrun. (bis)
Distantziak dakartza
hainbat atsekabe
hainbeste kilometro
eta nahigabe
horrenbeste istripu
sarri horren grabe
Espainia zeharkatuz
sarri aldez alde
maitatuen alde
goaz gu hala’re
makina bat pare
eta lagun talde
urruti egon arren
hemen baitaude. (bis)
Distantziek berri txarra
sarritan dakarte
urrun galtzerakoan
duguna maite
urrun dagoenean
zena gure parte
distantzia guzti hoiek
nork hautsi ditzake?
Horrenbeste kate
zarraila ta ate
gu bion bitarte
hala’re jo ta ke
distantziak guztiak
laburtu arte! (bis)
Datu-base honetan eskainitako informazioari buruz jakiteko, kontsultatu lege oharra