BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Osinalde Saria (43. 2014. Gabiria)

Saioa

2014-04-12 Gabiria Sariketa

Gai-emailea

Asurabarrena, Eñaut

Bertsolariak / Egileak

Irastorza Fadrique, Aitor

Oiartzabal, Josu "Xenpelar"

Lana

Binaka gaia-emanda

Jarritako gaia

Udaberria ailegatu zaigu eta Aitor emozionatuta dago dauzkan loreekin. Xenpelar, parrandatik bueltan, lore artean pixa egiten harrapatu du.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2014-04-12 Gabiria Sariketa [Bertsoa] / Aitor Irastorza Fadrique, Josu Oiartzabal "Xenpelar"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Irastorza
Behingoz aurten ez nula
lore eskasia
pixarekin nengoen
nazkatzen hasia
kamara bat daukat hor
ez daukat ahantzia
hogeita hamabost euro
da zure grazia. (bis)

J. Oiartzabal “Xenpelar”
Hori hitz egiteko
ez al dago? Tira!
Geratu naiz hementxe
loreei begira
pixa egin diot bai
behar zen neurrira
hurrengoan gehiago
haziko baitira. (bis)

A. Irastorza
“Gehio haziko dira”
zure umorea
baina iluna dugu
gure kolorea.
Pixa egin dezu ta
esango’t ordea
kaka egin bazenu
abonu hobea.

J. Oiartzabal “Xenpelar”
Nahi nuen ta lotsatu
naiz zu agertzean
nola agertu zeran
tamalez atzean
baina errespetuan
behar dan antzean
lasai txahala egingo det
arbola atzean. (bis)

A. Irastorza
Txahala egingo dezula
diozu hurrena
nik jarri behar dizut
punturik onena
orain etorriko da
ai zure kondena:
nere emazteari
kontaiozu dena. (bis)

J. Oiartzabal “Xenpelar”
Beraz eskatu dezu
berai kontatzeko
bai esan zaiozu zuk
hona etortzeko.
Gaztea nago eta
itxura antzeko
berakin moldako naiz
agian hobeto. (bis)