BDB Bertsolaritzaren datu-basea

Informazio orokorra

Kategoria

Bat-batekoa

Saioa

2015-01-24 Tolosa Jaialdia

Gai-jartzailea

Agirre, Amaia

Bertsolariak / Egileak

Amuriza, Miren

Lana

Bakarka gaia-emanda

Jarritako gaia

Bertso Egun batean Maddalen Arzallus lagun zenuela, amari bertso hunkigarri batzuk eskaini zenizkion, eta Pirritx eta Porrotxen kantu baten letra zurea da, ume txiki batek amari eskaintzen diona. Galdera da ea gaiak kezkatzen zaituen, amatasunak alegia.

Deskribapena

Doinua

Baserrian jaio nintzan

Neurria / Estrofaren izena

Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2015-01-24 Tolosa Jaialdia [Bertsoa] / Miren Amuriza

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

---

Maddalen ta nik pentsatu
gendun mahai bueltan batute
“Gure amentzat zeozer
egin beharko genuke”.
Naturalki atera zen
ez gatz eta ez azukre
ta “Asko maite zaitut ama”
kantatu genuen geuk be.
Harrezkero pasa dira
gaurdaino ia bost urte
eta oraindik kalean
gogorarazten digute.
Hiru hitz dira oparitu
daitezkeenak musu truke
baina benetan esanda
balio handia dute.


Nire buru ameslari
ta nire nerabezaro
esaten nuen “Ni ama
gazte izateko prest nago”
baina urteak uste baino
lehenago dira igaro
eta orain sentitzen naiz
hori esaten arraro.
Inguruan entzuten dut
jada hamaika berbaro
bikotea dut neuk baino
urte mordo bat zaharrago
gurasoek ere haur bat
baino beste zer nahiago
euren unea heldu da
baina nirea urrun dago.


Emakume berdin ama
askorentzat erregela
den arren badakit hori
berrinterpreta daikela
eta badakit neu ere
ama izan naitekeela
alaba izan nezake
igual Bizkaiko txapela
edo zergatik ez igual
buruan dudan nobela?
Emakumeeri nola
betetzen zaien sabela
nik burua bete nahi dut
momentuz behintzat horrela
ta astebururo sentitu
erditzear nagoela.