Bertsoak - Fitxa ikusi   Atal honi buruz gehiago jakiteko

2015-10-11 Urepele Jaialdia [Bertsoa] / Amets Arzallus

Bertsoa entzun  

Informazio orokorra

Kategoria
Bat-batekoa
Saioa
2015-10-11 Urepele Jaialdia
Gai-jartzailea
Iriondo, Joxe Mari
Bertsolariak / Egileak
Arzallus, Amets
Lana
Bakarka gaia-emanda
Jarritako gaia
Sortaldetik ihesi datorren hainbat errefuxiatu dela eta, asko hitz egin, baina inork ez du soluzio garbirik ematen.

Deskribapena

Doinua
Gure aurreko guraso zaharrak
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2015-10-11 Urepele Jaialdia [Bertsoa] / Amets Arzallus

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Siriatik ta Afrika aldetik
ihesi dira etortzen
eta bidean beren malko ta
izerdi tantak idortzen.
Ez da errexa bertso batean
soluzio on bat lortzen
baina Europa orain ari da
harresi gehiago sortzen.
Lehenik galdetu behar genuke
zergaitik ote datozen?

Agintarien diskurtsoetan
ez bainaiz sobera fio
haien bizitza hain merke eta
hemengoak hain kario
eta gainera erraiten dute
ari direla serio
beren europar goi instantzitan
bilkura ta soluzio
gure mugetan ez dut sinisten
ta hangoetan gutxio.

Mendebaldeak jabetu nahi du
gasaz ta petrolioaz
ez da kezkatzen hango pertsonen
bizitzaren balioaz
ta gerretatik ihesi datoz
maiz guri atea joaz
mugen gainetik salto egin ta
igaroaz-igaroaz
bertze mundu bat aldarrikatuz
haizea bezala doaz.

Datu-base honetan eskainitako informazioari buruz jakiteko, kontsultatu lege oharra