Bertsoak - Fitxa ikusi Atal honi buruz gehiago jakiteko
2016-11-12 Baiona Txapelketa [Bertsoa] / Amets Arzallus, Xumai Murua
| Bertsoa entzun |
2016-11-12 Baiona Txapelketa [Bertsoa] / Amets Arzallus, Xumai Murua
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Xumai :
Ez du zugana izan
hain jestu txukuna
zartako bat izan da
zure erantzuna
biba zu babesten dut
zuk egin duzuna
ta barkamena da orain
emanen dizuna
edo bestena ez dut
gehiago laguna.
Amets :
Nik kontatuko dizut
laguntto harena
eskua luzatu dit
gerrian barrena
urte honetan hau du
hamahirugarrena
ta hunek kezkatzen nau
ai, anai zaharrena!
Hau da lehen aldia zu
ohartu zarena.
Xumai :
Ez duzu beraz bizi
besta amestua
beti egiten badizu
halako jestua
egia baitidazu
behingoz aurkeztua
jakin zazu nigandik
zira babestua
lepoan ezarriko
diot nik eskua.
Amets :
Bai hori egiteko
nik ere gonbita
baina egin behar duzu
zuk autokritika
anai maitea ene
zure lehen bisita
ez zaitez berriz bizi
arroltzeko txita
alkoholak uzten zaitu
begiak itxita.
Xumai :
Eta jada oilanda
ederra zira zu
aspaldi behe aldean
utzia naukazu
egia da alkoholak
ematen dit ba su
baina hemendik goiti
egin nahi dut kasu
ta zuk ere horretan
lagundu zaidazu.
Amets :
Lagunduko zaitut bai
horra hor eskea
horrek unkitzen ditu
bat eta bestea
nahiko nuke ulertu
eta ikastea
gauz bat eskatzen dizut
hontarik hastea
lagun oilartxo horri
gandorra moztea.
Datu-base honetan eskainitako informazioari buruz jakiteko, kontsultatu lege oharra