Bertsoak - Fitxa ikusi Atal honi buruz gehiago jakiteko
2016-05-20 Zalla Jaialdia [Bertsoa] / Julio Soto
| Bertsoa entzun |
2016-05-20 Zalla Jaialdia [Bertsoa] / Julio Soto
Neurria:
Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
J. Soto
Debekuz bete dira kaleak
ta debekuz elkarteak
bortxatzailez eliza barruak
pederastiaz parkeak
kaleak eskalez bete dira
ta plastikoz uharteak
zimur nere betarteak
egia esan beldur pixka bat
ematen dit gizarteak. (bis)
Bakoitzak bere ghettoa dauka
bakoitzak bere tribua
bakoitza bere zilborrarentzat
Jauna eta gatibua.
Zuk segi zazu belauniko ta
nik jango dut bisigua
ni bata ta zu hirua
batzuk odola txupatzen dute
eta besteek dirua. (bis)
Gure mundutzar hau ikusten dut
zonbi batzuen kartzela
baina uste dut hauek egunez
ere ateratzen direla
ez dut ezkutatzen sarri izan
ohi naiz ni ezkor itzela
agian zuek bezela.
Baina uste dut oraindik ere
aldatu daitekeela. (bis)
Datu-base honetan eskainitako informazioari buruz jakiteko, kontsultatu lege oharra