BDB Bertsolaritzaren datu-basea

Informazio orokorra

Kategoria

Bat-batekoa

Saioa

2016-09-29 Irura Jaialdia

Gai-jartzailea

Usarralde, Inaxio

Bertsolariak / Egileak

Egaña, Andoni

Lana

Bakarka gaia-emanda

Jarritako gaia

Atzo zendu zitzaigun Imanol Urbieta musikari zarauztarra. “Haurren ametsen fabrikatzailea gelditu da” zioen gaur Berriako esaldi batek.

Deskribapena

Doinua

Begira nago jarria beraz

Neurria / Estrofaren izena

Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2016-09-29 Irura Jaialdia [Bertsoa] / Andoni Egaña

Neurria:  Hamaikakoa, handiaren moldekoa, 6 puntuz (hg) / Sei puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Umetatikan lagun zituen
gure aita eta ama
bere semeak geuk adiskide
borobilduz panorama
urte luzetan hark hartu zuen
gure heziketan fama
Manolo zaigu joana. (bis)
Esateko gai ez naiz sentitzen
ta esan nahi nuke dana
oroiminetik kanta dezadan
minetik ezin dedana. (bis)

Manolo asko maitatzen nuen
maitagarria zen izan
ikastolako zenbat pasarte
ta zein gustora genbiltzan!
Irtenaldiak orain Alfaron
orain Paris nahiz Suizan
beti gure amesgintzan. (bis)
Ez naiz kexatzen nere adineko
ikasle ohi askon gisan
nik aitortzen dut: Manoloi esker
zoriontsu izan nintzan. (bis)

Oso berezi egiten zitun
ikasleekin harremanak
haren kantuek behin betirako
utzi dituzte aztarnak.
Bere begiak, bere ideiak
bere lanak, bere armak
barkatu hola esanak. (bis)
Ez ote ditu irabaziak
ez ote merezi danak
txoria izan nintekeela
sinistuarazi zidanak? (bis)

(*) Imanol Urbietak Andoni Egañari espresuki egindako bertso doinua, berak sorturiko ¨Txoria nintzela¨ kantua zertxobait egokiturik. 1986ko Txapelketan erabili zuen Andonik lehen aldiz.