BDB Bertsolaritzaren datu-basea

Informazio orokorra

Kategoria

Bat-batekoa

Saioa

2016-10-28 Ondarroa Berezia

Gai-jartzailea

Aranburu, Ainhoa

Bertsolariak / Egileak

Elustondo, Nerea

Pagola, Eli

Lana

Binaka gaia-emanda

Jarritako gaia

Bizenta Mogelen alegia bat irakurriko dizuet.

ANDRA ALARGUNA TA OLLOA

Andra alargunak etxean
zedukan zori onean
ollo arrautzaria
egunoro ipintzea
utzi gabe arrautzea.
Dio pozez bere artean:
-Ematen diodanean
aldi batez artoa
arrautza egunekoa
badit beti ipintzen,
zer baldin eramaten
badiot nik bi bider?
Arrautza bat ez da ezer
emanik jan aldi bi
egingo ere nau ni
andi biren jabe.
Nola asmatu ez dube
gauza onelakorik?
Eta ala, ero erorik
gizendu zan olloa,
ta arrautza batekoa
alpertu zan guzia.
Beti izan da egia:
Geiegi billatzea
ezer gabe gelditzea.

Deskribapena

Doinua

Gazteak Lizargatez

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

9

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2016-10-28 Ondarroa Berezia [Bertsoa] / Nerea Elustondo, Eli Pagola

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

N. Elustondo
Haundi nahikeria maiz
desiraren zepo
alargun hori ez zen
geratu konpleto
nahiz oiloa alpertu
arrautzak jartzeko
ondo etorriko zen
salda egiteko. (bis)

E. Pagola
Oiloak gizendu nahi
zuenez topera
sartu zuen pentsua
artoaz batera
bat gehiago ez zion
egin ta atzera
kazuelatikan baietz
bi salda atera! (bis)

N. Elustondo
Ta gustora egongo
zen bi saldarekin
nahiz ez atera uste
adina etekin
emaitza horren txarra
ez zen izan en fin.
Gaitz-erdi oiloak ez zun
eztandarik egin. (bis)

E. Pagola
Baino ez pentsatzea
beharko egotzi
pentsu gehiokin arrautz
gehio zuen josi
azkenean hil eta
oiloa egosi
ta nolatan ez zuen
beste bat erosi? (bis)

N. Elustondo
Beste bat erosteko
nahiz egon lujoan
ideia hobe bat sortu
zitzaion kolkoan
bi arrautzen beharrik
ez zeukan gogoan
oiloa ahaztu zun ta
Benidorra joan. (bis)

E. Pagola
Benidorrean ez zan
egongo trantzean
han oilo faltarikan
eduki ezean.
Nerea zu haraino
nola joan ez zean
zuk oiloren bat edo
ba al dezu etxean? (bis)

N. Elustondo
Orain egin didazu
galdera laguna!
Ea ba borobiltzen
degun guk jarduna:
Eli ni nauzu oilo
jatorra, txukuna
baina hori bai arrrautzaik
ipintzen ez duna. (bis)

E. Pagola
Arrautzik jarri ez ta
horixe zure gaitz
zurekin enpatiza
behar nuke garaiz
ni nahiko oilo edo
ikusi izan naiz maiz
oiloa ez dakit baino
oilo busti bat naiz. (bis)

N. Elustondo
Hori bota diguzu
eta peto-peto
Eli oraingo hontan
zabiltza konpleto
arrazoi ona dela
daukat aitortzeko:
oiloa busti behar da
salda egiteko. (bis)