BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Orixe Saria (7. 1999. Donostia, Añorga)

Saioa

1999-03-05 Donostia Sariketa

Bertsolariak / Egileak

Ibarra, Iratxe

Otamendi, Andoni

Lana

Binaka gaia-emanda

Jarritako gaia

Andoni zazpi aldiz ezkondu da eta beste hainbeste aldiz banandu. Iratxerekin sei hilabete egin eta ezkontzeko eskatu nahi dio.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1999-03-05 Donostia Sariketa [Bertsoa] / Iratxe Ibarra, Andoni Otamendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

And. Otamendi: Nik eskaintzak ez ditut
egiten musutruk
eta azkenekoa
zuri egingo dizut;
pareja oso ona
egiten degu guk
ta bizitza osoan
maitatuko zaitut. (bis)

Ibarra: Aitormena egiten
zatoz afanean,
ni lortu nahian zabiltz
zu gogor lanean,
bainan lehen sartu ez dena
zazpiren planean,
ez duzu lortu nahiko
zortzigarrenean? (bis)

And. Otamendi: Beste guztiekin nik
frakaso egin nuan,
bainan gauzak seguru
dauzkat orainguan;
ikastola batera
guk egin genduan,
ordutik zu bakarrik
zauzkat nik buruan. (bis)

Ibarra: Horrek egiz egin dit
barruan zirrara,
oraintxe kendu duzu
lotsaren maskara,
bainan lagun maitea
hau diotsut, hara:
nigatik izango da
ondo irteten bada. (bis)

And.Otamendi: Orain arte bihotza
neukan oinazean,
beste guztiengandik
erdi ihesean;
baina ez zaitut jartzen
besteen klasean,
baina ezin da jakin
probatu ezean. (bis)

Ibarra: Ikastola kontua
bota duzu ozen
eta ni ere horretaz
jarri naiz pentsatzen.
Beraz hau ikusita
hor noa esaten:
benetan zabiltza ta
ezkondu gaitezen. (bis)