Bertsoak - Fitxa ikusi Atal honi buruz gehiago jakiteko
2017-10-01 Leitza Txapelketa [Bertsoa] / Julio Soto
| Bertsoa entzun |
2017-10-01 Leitza Txapelketa [Bertsoa] / Julio Soto
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Ze ederra ta ze polita
den batzuetan atzea
bai parez pare aurkitzen
baduzu erromantzea
frutu agorrezina da
Kupidoren baratzea
baina sarri loreetan
irteten da iratzea.
Bizitza da berrituz joan
ohi den zure suspentsea
nik neraman kopia bat
berak zeraman bertzea
baina jadanik onena
da llaberotik kentzea
batera galdu baititut
bikotea ta etxea. (bis)
Ai maitasun harremanak
betiereko balira!
Agian gure begiek
falta lukete distira.
Nahiz bide bat egonkorra
den pertsonaren desira
bidean aurkitzen dira
sasi, lokatza, aintzira.
Esan zidan “Bukatu da”
ta bukatzean harira
bere etxean nengoenez
ze egin behar den argi da.
Adio etxe maitea
noa amaren kabira
baino nere oroitzapenak
hementxe gelditzen dira. (bis)
Zailtasun batzuk ekartzen
ohi ditu elkarbizitzak
ta gero bere ardurak
hartu behar ditu bakoitzak.
Noizbait bukatuko dira
bide hontako oroitzak
noizbait eguzki ederrik
ere ekarriko dit goizak.
Nik bihotzez maitatu dut
hala iruditzen zait behintzat
bihotzez errespetatzen
diren eran bere hitzak
nahiz orain aldatu behar
ditudan sakelan giltzak
seguru zerrail berriak
dakarzkidala bizitzak. (bis)
Datu-base honetan eskainitako informazioari buruz jakiteko, kontsultatu lege oharra