Bertsoak - Fitxa ikusi Atal honi buruz gehiago jakiteko
2017-10-07 Zalla Txapelketa [Bertsoa] / Eneko Abasolo "Abarkas", Miren Amuriza
| Bertsoa entzun |
2017-10-07 Zalla Txapelketa [Bertsoa] / Eneko Abasolo "Abarkas", Miren Amuriza
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
M. Amuriza:
Nire bikotelaguna ikusten
dut aspaldi hontan deslai
beharra galdu dezake baina
ez du hori onartzerik nahi
eta berekin harremantzea
orain zeinen zaila den, ai!
Bizkarra emanda lokartzen gara
eta esnatu ere bai.
E. Abasolo “Abarkas”:
Gure etxean berdin gabiltza
ta ez da horren arraro
La Naval itxi behar zutela
bere gogoa akabo
nik ere lana egiten baitut
zortzi ordu ta gehiago
bere malkoak xukatzen jada
oso nazkatuta nago.
M. Amuriza:
Nire senarrak listoia dauka
jarrita akaso altu
eta ez du nahi bere lekua
etxean denik onartu.
Esan nion “Nik eingo dut lana”
berak erantzun: “Geratu!
Zure kontura bizi naizenik
ez dezala inork pentsatu!”.
E. Abasolo “Abarkas”:
Zuk badakizu moralik eza
izaten da euren lagun
nahiz ta mahai bueltan gauzak esaten
berari sarritan jardun
esaten diot “Irten kalera
bota hiru curriculum”
baina begiak zabalik ere
dena ikusten du ilun.
M. Amuriza:
Nireak ere zulo beltzera
luzatzen du begirada
ohe ertzetik eman ohi diot
xamur aholku ilara.
Esaten diot “Lasai guztia
ondo joango da, hara!
Ta ondo joaten ez bada ere
batera egongo gara”.
E. Abasolo “Abarkas”:
Nirea berriz han egoten da
gainean ja dauka hautsa
sentitzen baita bera ezerez
pertsona bat total hutsa.
Orain etxera joan behar dut
ta egin behar diot bultza
eskerrik asko lagungarri da
eman didazun laguntza.
Datu-base honetan eskainitako informazioari buruz jakiteko, kontsultatu lege oharra