BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-10-28 Bastida (A) Txapelketa

Gai-jartzailea

Gai-jartzaile Taldea

Gai-emailea

Usarralde, Inaxio

Bertsolariak / Egileak

Colina, Sustrai

Gabilondo, Nahikari

Lana

Binaka gaia-emanda

Jarritako gaia

Biltegi batean lan egiten duzue kamioiak kargatzen. Sustrai, gaur goizean Nahikarik hamargarren aldiz esan dizu zigarroa erretzera kanpora doala.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-10-28 Bastida (A) Txapelketa [Bertsoa] / Sustrai Colina, Nahikari Gabilondo

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

S. Colina:
Lehen ere bronka bota
dizut ta beharrik
nik ez daukat fibrarik
ez daukat giharrik.
Kamioi horrek ez al du
irteera txarrik
kargatu behar badut
nik bakar-bakarrik? (bis)

N. Gabilondo:
Ez, hemen egoten naiz
ni ere tarteka
jada eginak ditut
bederatzi buelta
agudo jarraitzeko
lanari kolpeka
zigarroak erdizka
uzten ditut eta! (bis)

S. Colina:
Kamioi bat etortzen da
ta Nahikarik alde!
Hori bai den-dena du
osasunan alde
zuk egiten duzula
diotsut bazpa’re
zigarroa erdizka
ta lana egin gabe! (bis)

N. Gabilondo:
Eskuartean hartuz
zenbait zigarrokin
lanari behar diot
nik gogotik ekin
baina aizu, zu ere
ez al zaude berdin?
Gorputz horrekin ezin
lana ondo egin! (bis)

S. Colina:
Lehen ere esan dizut:
ni ez naiz atleta
falta zait pektorala
falta zait tableta.
Baina ez ote gara
gu bi zigarreta?
Zu beti txinpartatsu
ni beti erreta! (bis)

N. Gabilondo:
Baina lanean badet
nahiko erantzukizun
ta zure haserretik
zenbat ikaskizun
zugatik egiten det
ez dakit dakizun
ea muskulurikan
ateratzen zaizun! (bis)