Bertsoak - Fitxa ikusi Atal honi buruz gehiago jakiteko
2017-11-19 Amurrio Txapelketa [Bertsoa] / Beñat Gaztelumendi, Jon Martin
| Bertsoa entzun |
2017-11-19 Amurrio Txapelketa [Bertsoa] / Beñat Gaztelumendi, Jon Martin
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Martin:
Etxea dago erdi ahaztua
orbel jausien antzera
gaur egunean pena dakarkit
joate hutsak etxera!
Oraintxe dugu errautsetatik
guk bizitzeko aukera
iragana ta etorkizuna
konpon ditzagun batera!
B. Gaztelumendi:
Baina izozte edo elurte
ta izurrite abisu
baserria ez da ia edozein
bizitzeko paradisu
iragana ta etorkizuna
elkartu nahian beti zu
zuk baserria nahi dezu baina
atxurrean ba al dakizu?
J. Martin:
Zenbat alditan jardungo nintzen?
Agian bi edo hiru
baina ez nago nere oraingo
gaitasunetan gatibu
arrazoi duzu baserri mundu
hontaz asko ez dakigu
gure burua berreraikitzen
ere lagunduko digu!
B. Gaztelumendi:
Gure burua berreraikitzen
joan nahi dezu urrutira
baserritarren bizitza horren
errexa balitz, sikira!
Diru-laguntzak gutxitu eta
gaur, nork egingo du tira?
Baserri hau ez du inork bota
bera bakarrik jausi da.
J. Martin:
Nekazal etxe bat egin leike
edo milaka istori
uste dut biak bertan moldatu
gaitezkeela oso ongi
baina lurpean balego legez
hitz egitea da hori.
Gure eskutan dauka geroa
ez da oraindik erori.
B. Gaztelumendi:
Baina ni pijo samarra nauzu
eskuak sartzeko lohian
ta asko jota ipiniko det
letxugaren bat balkoian!
Zuk egin zazu baserria ta
segi gogor arrazoian
ta ni bisitan joango natzaizu
uzta biltzeko sasoian!
Datu-base honetan eskainitako informazioari buruz jakiteko, kontsultatu lege oharra