BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-11-19 Amurrio Txapelketa

Gai-jartzailea

Gai-jartzaile Taldea

Gai-emailea

Irazusta, Aintzane

Bertsolariak / Egileak

Maia, Jon

Martin, Jon

Lana

Binaka gaia-emanda

Jarritako gaia

Maia, zure autoaren derrigorrezko azterketa teknikoa egitera joan zara. Martin aztertzaileak ordu-erdi darama begiratu hemen eta begiratu han, oharrak idatzi eta idatzi.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-11-19 Amurrio Txapelketa [Bertsoa] / Jon Maia, Jon Martin

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Maia:
Enpeñoan zabiltza
hau jarri, hura ken
ze akats aurkituko
azazkalak jaten!
Kolpe txikitxo bat dut
soilik ate baten
Durangora bidean
bertsotara joaten. (bis)

J. Martin:
Kostatu behar zaizu
gaur itxarotea
hau gainditzea duzu
kristoren zortea!
Hobe dugu hargatik
ziur egotea
zer dela eta hartu
zenuen kolpea? (bis)

J. Maia:
Etxetik irten eta
ez kontu, ez orden
bertso txapelketara
azkar joan behar nuen.
Nahiz ta kontraesana
igual dirudien
ze bestela puntuak
galduko nituen! (bis)

J. Martin:
Rekuentoa nik nahiko
luzea daramat:
erdi hustuta daude
zure gurpil danak
eta balaztak ditu
onenak emanak...
Harritzen nau honaino
iritsi izanak! (bis)

J. Maia:
Baina iritsi naiz ta
jarri zera grabe!
Dena omen dut akats
dena nobedade!
Aber, “Jon Ma” laguna
jarri bare-bare
zu zoaz puztuegi
ta frenorik gabe!(bis)

J. Martin:
Gurpilak laster egin
behar du eztanda
ta alperrikakoa da
zure propaganda.
Zure autoak ez du
pasatuko langa
ta hemen geldituko da
frenoa emanda! (bis)