BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-11-19 Amurrio Txapelketa

Gai-jartzailea

Gai-jartzaile Taldea

Gai-emailea

Irazusta, Aintzane

Bertsolariak / Egileak

Lekue, Etxahun

Maia, Jon

Lana

Binaka gaia-emanda puntutan

Jarritako gaia

Zerbitzariak zarete. Kongresu baten ondoren, jende artean zabiltzate kanapeak eskaintzen. Sukaldetik atera orduko bukatzen dira guztiak.

Deskribapena

Doinua

Ezagutu zuenak

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-11-19 Amurrio Txapelketa [Bertsoa] / Etxahun Lekue, Jon Maia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

E. Lekue: Sukaldetik kanpora
bidaia arinak...
J. Maia: Nik atera nahi ditut
pintxoak gordinak!
E. Lekue: Adituak dira, bai,
baina ez dira finak!
J. Maia: Ja jartzen ari dira
more ta urdinak!

J. Maia: Azkar kentzen didate
neri kanapea!
E. Lekue: Mastikatzeko ez dabe
ez hartzen tartea!
J. Maia: Maionesaz betea
daukat hankapea!
E. Lekue: Hobe zabalik itxi
sukaldeko atea!

E. Lekue: Eta beraiek bila
sartu daitezala
J. Maia: baina horrela ez da
loditzen azala!
E. Lekue: Guzti honen sakea
ez dogu normala
J. Maia: hemen dagon giroa
ez da naturala!

J. Maia: Gainera dentistena
dugu kongresoa...
E. Lekue: Ba konpondu beharko
dabe aho osoa!
J. Maia: Haginetan daukate
kriston prozesoa
E. Lekue: antzera jaten dabez
gazi zein gozoa!

E. Lekue: Eta paretsu doa
eurentzat edana!
J. Maia: Edanaren tartean
falta da zer jana!
E. Lekue: Bakotxak hartzen baitau
botilatxo bana
J. Maia: botilarekin dute
kriston harremana!

J. Maia: Ez dute soilik jaten
hortzetako pasta...
E. Lekue: Gu zain eurek noiz esan
“Yasta, lagun, yasta!”
J. Maia: Hortz artean daukate
Idiazabal gazta
E. Lekue: beste pintxoek ere
a ze arrakasta!

E. Lekue: Ehun pertsona daude ta
inork dino ezetz
J. Maia: denek kanapeakin
egin nahirik amets
E. Lekue: ta gu estropozuka
gabiz hemen trakets
J. Maia: atera behar dizkiet
pare bat txibi beltz!

J. Maia: Jende honekin ezin
horrela jarraitu
E. Lekue: baten batek igual, geu,
Jon, jan behar gaitu!
J. Maia: Nik anestesiatuta
behar dut amaitu!
E. Lekue: Neu ere aspaldi naz
honekaz gogaitu!