Bertsoak - Fitxa ikusi   Atal honi buruz gehiago jakiteko

2017-11-19 Amurrio Txapelketa [Bertsoa] / Sustrai Colina, Jon Martin

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (17. 2017)
Saioa
2017-11-19 Amurrio Txapelketa
Gai-jartzailea
Gai-jartzaile Taldea
Gai-emailea
Irazusta, Aintzane
Bertsolariak / Egileak
Colina, Sustrai
Martin, Jon
Lana
Binaka gaia-emanda puntutan
Jarritako gaia
Herriko festak dira eta erromeria dago plazan. Dantzan hasteko desiratzen zaudete biok, baina ez duzue lehenak izan nahi.

Deskribapena

Doinua
Mendiko umea naiz
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2017-11-19 Amurrio Txapelketa [Bertsoa] / Sustrai Colina, Jon Martin


Kokapena:  XDZ - Xenpelar Dokumentazio Zentroa 


S. Colina: Dantzatzeko ez al dira
gure herriko jaiak?
J. Martin: Ni nabil ezin hemen
aguantatu nahiak
S. Colina: eta gure zain daude
Joselu Anayak
J. Martin: guk ere demostratu
beharko dohaiak!

J. Martin: Nik Despacito entzun
nahi nuen lehenbizi!
S. Colina: Zu despacito berez
zarelako bizi!
J. Martin: Hainbeste kantu eta
hainbeste irrintzi
S. Colina: ta oraindik ez zara
plazara iritsi!

S. Colina: Burua muitzea al da
dantza egitea?
J. Martin: Nik uste dut horixe
dela elitea!
S. Colina: Goazen erdira eta
hobe ekitea!
J. Martin: Badaezpada aurretik
abitu zaitea!

J. Martin: Nik beldurra dut eta
zer esango duten
S. Colina: inork ez du ikusten
ta inork entzuten
J. Martin: ez dakit horren geldi
zergatik dirauten!
S. Colina: Lasai, mozkorrak ez du
hainbeste irauten!

S. Colina: Beraz, eman ezazu
lehenengo pausoa!
J. Martin: Zuri eskatu dizut
ez da erosoa!
S. Colina: Nik erakutsi baietz
repertorio osoa!
J. Martin: Zuk dantzatzeko duzu
modu kuriosoa!

J. Martin: Tente gelditzen zera
makila bezela!
S. Colina: Ahaztuta ote zaude
euskaldun naizela?
J. Martin: Ziur arin-arinak
egina zarela...
S. Colina: Bai, baina ez didate
eman nahi labela!

S. Colina: Estilo propioa
omen daukat eta!
J. Martin: Demostratu egin nahi
zenuke tarteka!
S. Colina: Txikitan egin nitun
dantza ta balleta!
J. Martin: Nik kostata lortzen dut
ordea oreka!

J. Martin: Azken aukera da ta
has gaitezen dantzan
S. Colina: jende gehiago eta
pilatu da plazan
J. Martin: gaude norbait hasiko
denan esperantzan
S. Colina: ixkinatik begira
bilintzi-balantzan!

Datu-base honetan eskainitako informazioari buruz jakiteko, kontsultatu lege oharra