Bertsoak - Fitxa ikusi Atal honi buruz gehiago jakiteko
2017-12-17 Barakaldo Txapelketa 11:00 [Bertsoa] / Igor Elortza, Aitor Sarriegi
| Bertsoa entzun |
2017-12-17 Barakaldo Txapelketa 11:00 [Bertsoa] / Igor Elortza, Aitor Sarriegi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
I. Elortza:
Gure haserak gogoratzeko
joan behar da urrutira
garai guztiak ez dira berdin
onartu dezagun tira!
Lehen kalean zebiltzan haiek
etxean daude begira
ta bolondresik ez baldin bada
langileak behar dira.
A. Sarriegi:
Honetaraino ekarri gaitu
bolondresen adioak
ez direlako nahi gisakoak
jendearen jarioak.
Hori eginez galdu litezke
haserako balioak
hiztunak behar ditu euskarak
ez funtzionarioak.
I. Elortza:
Gure herria beti izan da
“Ekin gogor, gogor ekin!”
baina ez bada bolondresik gaur
ibiliko gara erkin.
Aurrera in behar da teknikari
eta soziolinguistekin
urrutirago ez gara helduko
boluntarismoarekin.
A. Sarriegi:
Jarri itzazu hiru langile
ekarri gure festara
eta berdin zait ze ekimen den
kasu honetan euskara.
Azken batean itxura baino
gehiago ere ez gara
horrek guztiak ez du balio
borondaterik ez bada.
I. Elortza:
Arrazoi duzu pixka’t joan zaitez
bolondres hoien peskizan
nahiz ta agian ibili behar
izango duzun zuk ehizan.
Bat edo beste dikotomian
gabiltza ohi dugun gisan
eta ez dakit zer dela eta
ezin duten biak izan.
A. Sarriegi:
Ona litzake egia esan
hori burutik kentzea
ez dugulako guk ikusi nahi
hizkuntzaren azkentzea.
Baina langilez bete ezkero
bolondres hauen etxea
gure helburu bihurtuko da
egitura mantentzea.
Datu-base honetan eskainitako informazioari buruz jakiteko, kontsultatu lege oharra