BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-12-17 Barakaldo Txapelketa 11:00

Gai-jartzailea

Gai-jartzaile Taldea

Gai-emailea

Berriozabal, Maite

Bertsolariak / Egileak

Arzallus, Amets

Gaztelumendi, Beñat

Lana

Binaka gaia-emanda

Jarritako gaia

Zu, Beñat, artzaina zara. Ardiak belardi batetik bestera eramaten ari zarela,
Amets herritarra ikusi duzu zure ardiak norabide okerretik bidaltzen.

Deskribapena

Doinua

Igaran egun batez

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-12-17 Barakaldo Txapelketa 11:00 [Bertsoa] / Amets Arzallus, Beñat Gaztelumendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

B. Gaztelumendi:
Neguan egiteko
hotzaren defentsa
iritsi da ardiak
mugitzeko fetxa
gaizki pasatu duzu
hesolako ertza.
Hara deskubritu det
nere ardi beltza.

A. Arzallus:
Udan bero egiten du
eta neguan hotz
barkatu artzai lana
egiten zait arrotz
barkamena eskatu
nahi nizuke ahoz
bat bakarrik nahi nuen
baina denak datoz.

B. Gaztelumendi:
Ta artaldean dauzkat
hirurehun inguru
denak ahal den ondoen
zaindu ohi ditugu.
Hau kalekume bat da
badakit seguru
ardia hartu nahi ta
aharia hartu du.

A. Arzallus:
Zu gelditu zaite hor
lasai, trankil ta zut
igual ardi guztiak
hartuko dizkizut.
Nik neuk jetziko ditut
deskantsatzeko zuk
hurrena gazta bueltan
eramango dizut.

B. Gaztelumendi:
Hau gizon egoskorra
ez al da? Ospera!
Azkar arrimatua
da nere ospera.
Gazta egiten ez zaitez
zu hasi ostera
azokara etorri
zaitez erostera.

A. Arzallus:
Ai artzai poetiko
ta artzai abstraktu
zuk beti zazpi bertso ohi
dituzu kantatu.
Hurrena erne ibili
lana ongi hartu
gutxio kantatu ta
gehio begiratu.