Bertsoak - Fitxa ikusi Atal honi buruz gehiago jakiteko
2017-12-17 Barakaldo Txapelketa 11:00 [Bertsoa] / Igor Elortza
| Bertsoa entzun |
2017-12-17 Barakaldo Txapelketa 11:00 [Bertsoa] / Igor Elortza
Neurria:
Hamalauko handia (hg) / Zazpi puntuko handia (ip)
Kokapena:
XDZ - Xenpelar Dokumentazio Zentroa
Kalera irten naiz kosta egin zait
ibiltzea hogei metro
arnasaz estu dauzkat birikak
eta nonbait harriz lepo
baina gogoa neukan berriro
neure etxean sartzeko
ta banekien hortxe zeudela
hamaika gure etxeko:
nire andrea, seme-alabak
eta beraien izeko
medikutara joan ginen atzo
bada aski esateko
baina azkar joan naiz hitz egiteko
astirik ez emateko. (bis)
Gaur astebete Galdakaora
ez nintzen joan bakarrik
pentsatu nuen “Bihotzekoak
hementxe eman behar dit”
baina atera ginen probatik
oraindik nago itzarrik
adinez gora nijoa noski
baina ez da hori bakarrik
nire birikek ta nire hankek
kasik ez dute indarrik
atea itxi ta sukaldera
sartu naiz erdi baldarrik
baina zer dudan jakiteko nik
ez neukan proba beharrik. (bis)
Urduri jarri dira guztiak
mahaian aldatuta aldez
haizea moztu egin liteke
tentsioa dago gainez
ta neu sartu naiz guztiei “Kaixo
zer moduz gabiltz?”emanez
nire aulkian jarri naiz gero
lasaitua natorren lez
ta esan diet “Eser gaitezen
gure garbantzuok janez”.
Nahiz ta bakoitzak bere baitara
badaukan nahiko esames
isil-isilik jesarri gara
elkarri dena esanez. (bis)
Datu-base honetan eskainitako informazioari buruz jakiteko, kontsultatu lege oharra