Bertsoak - Fitxa ikusi Atal honi buruz gehiago jakiteko
2017-12-17 Barakaldo Txapelketa 11:00 [Bertsoa] / Amets Arzallus
| Bertsoa entzun |
2017-12-17 Barakaldo Txapelketa 11:00 [Bertsoa] / Amets Arzallus
Neurria:
Hamalauko txikia (hg) / Zazpi puntuko txikia (ip)
Kokapena:
XDZ - Xenpelar Dokumentazio Zentroa
Atzo gauez Parisen
kriston atakea
ta pantailaz josi da
eskaparatea
edonoren begiek
dakarten tankea
ni bezalakoentzat
pentsa ze kaltea!
Susmagarri izateko
kalamitatea
gaur ere pasa arren
etxeko atea
susmagarri izateko
kalamitatea
itxuraz nahikoa da
moro izatea.
Nolako tentsioa
gure etxebizitzan!
Badakite zein pobre
ta justu gabiltzan
amaren begi hoiek
inork xuka ditzan
aitarenak berdintsu
zerbaiten peskizan
poliziak baletoz
maiz ohi duten gisan
babestu nazazue
sotoko gerizan
poliziak baletoz
maiz ohi duten gisan
esan zaiezue ni
ez naizela izan.
Norbaitek jasoko du
guzti honen ordaina
etxe askotan dabil
zakurren usaina
ta kondena gogor bat
gero alajaina
azkartu zait bihotza
ta puztu zait zaina.
Erruduna nunbaiten
hor dago bai baina
ez dakit nun gorde den
zein duen tamaina
erruduna hor dago
bai gorde da baina
neri korapilatzen
hasi zait mingaina.
Datu-base honetan eskainitako informazioari buruz jakiteko, kontsultatu lege oharra