Bertsoak - Fitxa ikusi Atal honi buruz gehiago jakiteko
2017-12-17 Barakaldo Txapelketa 16:30 [Bertsoa] / Igor Elortza, Beñat Gaztelumendi
| Bertsoa entzun |
2017-12-17 Barakaldo Txapelketa 16:30 [Bertsoa] / Igor Elortza, Beñat Gaztelumendi
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
I. Elortza:
Badu mediku nibela
ta kanporatu horrela
eutanasiak neuri ere pixka’t
nahastu sabela.
Ekarri duzu papela
haren laguntza bezela
uste al duzu zerbaiterako
balio duela? (bis)
B. Gaztelumendi:
Medikuaren nibela
ez nuen uste nik bela
irakaslea auziperatu
egingo zutela.
Nahiz ta zerorrek bezela
jakin askorik ez dela
gutxienean jakin dezala
berekin gaudela. (bis)
I. Elortza:
Babesa duela gugan
gaur halako tesituran
ni sendatzeko hasi naiz hemen
orain nago dudan
zegoena heriotz mugan
eroan du abiaduran
ta ez dakit ziur nik ze ikasgai
atera behar dudan. (bis)
B. Gaztelumendi:
Ikaskide ilustrea
ikasgaiari lustrea
elkartasuna zuretzat al da
gutxi ikustea?
Ez al da etika haustea?
Hori da nere ustea:
ezin bizirik dagoenari
hiltzen ez uztea. (bis)
I. Elortza:
Sufrimentu ta hasperen
hori zilegi ote den
edo hobe den behingoagatik
hartuta atseden
baina sinadurek hemen
ez dute hainbeste helmen
nik berarekin hitz egin nahi dut
ezer baino lehen. (bis)
B. Gaztelumendi:
Berak ere hala nahi du
zauria ez baita orbaindu
egin dioten kaltea diruz
ezin da ordaindu.
Hasiko gara orain gu
gaixoak zaindu ta zaindu
mundu gaixo hau sendatzen gehio
kosta behar zaigu. (bis)
Datu-base honetan eskainitako informazioari buruz jakiteko, kontsultatu lege oharra