BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-12-17 Barakaldo Txapelketa 16:30

Gai-jartzailea

Gai-jartzaile Taldea

Gai-emailea

Jauregi, Saroi

Bertsolariak / Egileak

Mendiluze, Aitor

Lana

Bakarka gaia-emanda

Jarritako gaia

Gaztetan ez zenuen ikasteko aukerarik izan. Urteetan aurrera zoaz, eta, orain, ikasten hastea erabaki duzu.

Deskribapena

Doinua

Kas pote batzuk, txarroko ura

Neurria / Estrofaren izena

Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-12-17 Barakaldo Txapelketa 16:30 [Bertsoa] / Aitor Mendiluze

Neurria:  Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Etxean zuten diru murritza
ojala gehio izan balitza!
Garbitzailetzat hartu langintza
eta geroztik hortan gabiltza
baina damutik eta penatik
besterik ezin naiz mintza
hortik irtengo nintzela noizbait
eman nuen nere hitza
ia berdin zait mekanikoa
edota sukaldaritza
bizitza hontan hastera doa
nere bigarren bizitza. (bis)

Lehen aukerarik ez zen bereizten
eta ez nuen jakin ikasten
ez aritzea norbera hezten
ez dakit sarri kezka hutsa ez den.
Orain denetik entzun dezaket
denetik dabiltz irizten
batzuk animoz eta besteak
alarma gorriak pizten
baina ez du noski inork sinisten
neuk ez badet hau sinisten
eta iristen saiatzen ez dena
ez da inora iristen. (bis)

Denon bizitza ez baita bera
nik hori lehendik dakit sobera
ze eskasia, ze egoera
orain egingo al du hobera?
Jarraituko det garbitzen baina
liburuekin batera
ahaleginduko naiz ikasten ta
titulo hori atera.
Aurrera noan, animoz nago
indartsu eta topera!
Alperrik galtzen ez det utzi nahi
nere azkeneko aukera. (bis)