Bertsoak - Fitxa ikusi Atal honi buruz gehiago jakiteko
Bertso berrik andre batek jarrik [Bertsoa] / Joxepa Zubeldia
Bertso berrik andre batek jarrik [Bertsoa] / Joxepa Zubeldia
Neurria:
Zortziko txikia (hg) / Lau puntuko txikia (ip)
Dokumentu-mota:
Bertso-papera
Kokapena:
Koldo Mitxelena Liburutegia
1.
Apirillaren biyan
Ernaniko erriya
Lau orduban egon zan
Ikaragarriya
Karrasi ta diarka
Orduko larriya
Eskerrak gendubela
Batasun aundiya.
2.
Gertaerau izan zan
Astiartiarekin
Aurreko egunian
Ezkenduben jakin
Emen izandu zala
Astelenarekin
Gobernadore jauna
Gogor egin nairik.
3.
Ikusi nai zubela
Bere begiyekin
Ernaniko ospitala
Nola zegon jakin
Ia ote zegoen
Kondisiyuakin
Erakutsi ziyoten
Leyaltasunakin.
4.
Laister ontzat eman du
Kondisiyo onakin
Bialdutzeko zazpi
Gaso bastangakin
Baña bezte gauz asko
Mintzu oyen gatik
Etzitun erabaki
Emengo jaunekin.
5.
Gobernadoriari
Gure alkate jaunak
Eskeñi omen zizkan
Erosotasunak
Zaindu ta sendatzeko
An bastangadunak
Toki berezi baten
Txit ederki danak.
6.
Alperrik izan ziran
Arrazoi guziyak
Etzizkan aintzat artu
Gobernadoriak
Askotan oi bezela
Beriak obiak
Entzun gor egin ziyon
Goi agintariyak.
7.
Gure alkate jaunak
Bere lagunekin
Donostira juan ziran
Gabeko amaikakin
Konpontzen ote ziran
Jaun aundi orrekin
Triste bueltatu ziran
Goizeko irurakin.
8.
Gabez juanagatikan
Larritasunakin
Etziyen kasorikan
Jaun oyeri egin
Au egiten dubenak
Erriko jaunekin
¿Zer egingo ote du
Jende pobriakin?
9.
Goizeko zaspiyetan
Ostera juan dira
Tolosa juan zayote
Gobernadoria
Ayek bialdu zuten
Errira partia
Bastanga eta indarra
Beriala or dira.
10.
Ordubantxe Ernanin
Etzan lo jendia
Kanpana ta tronkua
Dantzatubak dira
Tronko aundikin itxi
Ziraden bidiak
Barrika gurdi eta
Asma al guziyak.
11.
Bidera atera giñan
Emakume asko
Ta allegatu bañolen
Egin degu alto
Zibillak esan zigun
Etxera biltzeko
Baizutela baimena
Odola isurtzeko.
12.
Isurtzen badezute
Odola gurekin
Ill biarrak zerate
Zeon zaldiyekin
Guziyok bizkor gaude
Gauza gogorrekin
Biurte obe dezute
Bastanga dunekin.
13.
Zibilla pranko baizan
Zaldi galantakin
Guri desapiyoka
Beren ezpatakin
Ez giñan ez izutu
Oyek guziyekin
Danok atera giñan
Mirari aundiyakin.
14.
Mikela ta Asentxi
¡Pareja fuertia!
Ayek aurren zirala
Fin giñan jendia
Zarrak eta gastiak
Neskatx ta andriak
Andre txit aberatsak
Baitaere pobriak.
15.
Lana egingenduban
Kupira aundigabe
Senarrak usirikan
Baskayrik gabe
Ustuta petroleos
Ospitala yursi
Aguro errezeko
Kristal danak ausi
16.
Apaizak eta monjak
Negar eta ausi
Alako tranzerikan
Ez nuben ikusi
Gure monja gasuak
Belauniko jarri
Eta telefonuan
Madrida Maurari
17.
Arren suplikatzeko
Gobernadoriari
Nolako tranze estuba
Zeguen Ernani
Alkatia aurrenzala
Ernaniko Jaunak
Ondo egin zitusten
Telefono lanak
18.
Molestatu zitusten
Erregueta danak
Garcia Prietota
Santillana danac
Azkeneku tranzian
Estu eta larri
Suplikatu zioten
Koronel jaunari
19.
Arren erregutzeko
Gobernadoriari
Ez usteko galduzen
Orrela Ernani
Permisua eskaturik
Montes prestubari
Bere telefonuan
Tolosara Jarri
20.
Atenditurik ondo
Teniente Koronelari
Eta gañera gure
Alkate Jaunari
Orduban bikunduda
Biyos gogorrori
Damus barkazenzayo
Pekatariyari
21.
Urrengo egunian
Gustiyok alkarri
Emen gertatu danak
Ametz bat diruri
Kulpa gabe galtzerik
Nonbait ez komeni
Graziyak eman danok
Jangoiko jaunari
22.
Nik suplikatzendiyot
Alkate Jaunari
Osekiyo chikibat
Emakumiadi
Zorziko ederbatekin
Zar da gastiaidi
Alegre gertadedin
Egun tristiori
23.
Gizonak erregalo
Emakumiaidi
Lorecho polipana
Zar da gastiaidi
Egunartan gustiyok
Janzita ibilli
Ondo distingitzeko
Egun aundiyori
24.
Orra berso berriyak
Andrebatik jarri
Estiot esker charrik
Ematen iñori
Orduko Uniyua
Betida Komeni
Ala gertadedilla
Biba gu ta Ernani.
Bertso berrik andre batek jarrik [Bertsoa] / Joxepa Zubeldia
Neurria:
Zortziko txikia (hg) / Lau puntuko txikia (ip)
Dokumentu-mota:
Bertso-papera
Kokapena:
Koldo Mitxelena Liburutegia
1.
Apirilaren bian
Hernaniko herria
Lau orduan egon zan
Ikaragarria
Karrasi eta diarka
Orduko larria
Eskerrak genduela
Batasun haundia.
2.
Gertaera hau izan zan
Asteartearekin
Aurreko egunian
Ez genduen jakin
Hemen izandu zala
Astelehenarekin
Gobernadore jauna
Gogor egin nahirik.
3.
Ikusi nahi zuela
Bere begiekin
Hernaniko ospitala
Nola zegon jakin
Ia ote zegoen
Kondiziuakin
Erakutsi zioten
Leialtasunakin.
4.
Laister ontzat eman du
Kondizio onakin
Bialdutzeko zazpi
Gaixo baztangakin
Baina beste gauza asko
Mintzu hoiengatik
Ez zitun erabaki
Hemengo jaunekin.
5.
Gobernadoriari
Gure alkate jaunak
Eskeini omen zizkan
Erosotasunak
Zaindu ta sendatzeko
Han baztangadunak
Toki berezi baten
Txit ederki danak.
6.
Alferrik izan ziran
Arrazoi guziak
Ez zizkan aintzat hartu
Gobernadoriak
Askotan ohi bezela
Bereak hobiak
Entzungor egin zion
Goi agintariak.
7.
Gure alkate jaunak
Bere lagunekin
Donostira joan ziran
Gaueko hamaikakin
Konpontzen ote ziran
Jaun haundi horrekin
Triste bueltatu ziran
Goizeko hirurakin.
8.
Gauez joanagatikan
Larritasunakin
Ez zien kasorikan
Jaun hoieri egin
Hau egiten duenak
Herriko jaunekin
Zer egingo ote du
Jende pobriakin?
9.
Goizeko zazpietan
Ostera joan dira
Tolosa(ra) juan zaiote
Gobernadoria
Haiek bialdu zuten
Herrira partia
Baztanga eta indarra
Berihala hor dira.
10.
Orduantxe Hernanin
Ez zan lo jendia
Kanpana ta tronkua
Dantzatuak dira
Tronko haundikin itxi
Ziraden bidiak
Barrika gurdi eta
Asma al guziak.
11.
Bidera atera ginan
Emakume asko
Eta ailegatu baino lehen
Egin degu alto
Zibilak esan zigun
Etxera biltzeko
Baizutela baimena
Odola isurtzeko.
12.
Isurtzen badezute
Odola gurekin
Hil beharrak zerate
Ze(u)on zaldiekin
Guztiok bizkor gaude
Gauza gogorrekin
Bihurte hobe dezute
Baztangadunekin.
13.
Zibila franko baitzan
Zaldi galantakin
Guri desafioka
Beren ezpatakin
Ez ginan ez izutu
Ho(r)iek guztiekin
Danok atera ginan
Mirari haundiakin.
14.
Mikela eta Asentxi
Pareja fuertia!
Haiek aurre(a)n zirala
Fin ginan jendia
Zaharrak eta gaztiak
Neskatxa eta andriak
Andre txit aberatsak
Baita ere pobriak.
15.
Lana egin genduan
Kupida haundi gabe
Senarrak utzirikan
Bazkaririk gabe
Ustuta petroleoz
Ospitala i(g)utzi
Agudo errezeko
Kristal danak hautsi
16.
Apaizak eta monjak
Negar eta auzi
Halako trantzerikan
Ez nuen ikusi
Gure monja gaixuak
Belauniko jarri
Eta telefonuan
Madrid(er)a Maurari
17.
Arren suplikatzeko
Gobernadoriari
Nolako tranze estua
Zegoen Hernani
Alkatea aurren zala
Hernaniko Jaunak
Ondo egin zituzten
Telefono lanak
18.
Molestatu zituzten
Errege eta danak
Garcia Prieto eta
Santillana danak
Azkeneko trantzian
Estu eta larri
Suplikatu zioten
Koronel jaunari
19.
Arren erregutzeko
Gobernadoriari
Ez usteko galdutzen
Horrela Hernani
Permisua eskaturik
Montes prestuari
Bere telefonuan
Tolosara jarri
20.
Atenditurik ondo
Teniente Koronelari
Eta gainera gure
Alkate Jaunari
Orduan bigunduta
Bihotz gogor hori
Damuz barkatzen zaio
Pekatariari
21.
Hurrengo egunian
Gustiok alkarri
Hemen gertatu danak
Amets bat diruri
Kulpa gabe galtzerik
Nonbait ez komeni
Graziak eman danok
Jaungoiko jaunari
22.
Nik suplikatzen diot
Alkate Jaunari
Obsekio txiki bat
Emakumiari
Zortziko eder batekin
Zahar eta gaztiaidi
Alegre gerta dedin
Egun tristiori
23.
Gizonak erregalo
Emakumiaidi
Loretxo polit bana
Zahar eta gaztiaidi
Egun hartan guztiok
Janzita ibilli
Ondo distingitzeko
Egun haundi hori
24.
Horra bertso berriak
Andre batek jarri
Ez diot esker txarrik
Ematen inori
Orduko uniua
Beti da komeni
Hala gerta dedila
Biba gu ta Hernani.
Datu-base honetan eskainitako informazioari buruz jakiteko, kontsultatu lege oharra