Bertsoak - Fitxa ikusi Atal honi buruz gehiago jakiteko
2018-11-18 Berriz Txapelketa [Bertsoa] / Xabat Galletebeitia
| Bertsoa entzun |
2018-11-18 Berriz Txapelketa [Bertsoa] / Xabat Galletebeitia
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Behin adinean goraka
eta patua dut patu
gure aita altzaimerrak
nola zuen harrapatu
ni beti aldamenean
eguneroko kontaktu
ustez logikoa zena
bilakatu zait kontratu
bere zaintza eta bere
fereka zein esku-trapu
ni nabari nazan nahi dut
zaindu eta esku-hartu
ez dakit zer gertatzen den
nahiz behin ta berriz saiatu
berak ez du ondo hartzen
edo ezin dut asmatu. (bis)
Behin gaitza harrapatuta
betirako eskuburdin
berdin eguzki zein laino
zeru ilun edo urdin
gaur ere arratsaldean
bera ondo egon zedin
parkerantza atera dut
ea bazuen atsegin
baina marmarka hasi da
disimuluz baina gordin
ze gaizki sentitzen naizen
ze estuasun ta ze min
baina zergatik kezkatu
ta buruari eragin?
Ahaztu egin ote zait
ez duela nahita egin? (bis)
Berez daukan genioa
gaitzaz aurretikoa zen
baina orain errazago
ez ote nau alboratzen?
Etxera itzuli gara
esan diot: "bai, goazen!"
Neure barruko zalantza
ta egonezinen almazen
nire intentzio onak
ez al du ezer kontatzen?
Aurre egin beharko zaio
ahalik eta errazen
zaindu maite duzun hori
ohituta gaude kantatzen
baina askoz zailago da
zaintzen duzuna maitatzen. (bis)
Datu-base honetan eskainitako informazioari buruz jakiteko, kontsultatu lege oharra