Bertsoak - Fitxa ikusi Atal honi buruz gehiago jakiteko
2018-11-18 Berriz Txapelketa [Bertsoa] / Unai Mendiburu
| Bertsoa entzun |
2018-11-18 Berriz Txapelketa [Bertsoa] / Unai Mendiburu
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Kokapena:
XDZ - Xenpelar Dokumentazio Zentroa
Aste osoa pasa dut
burua hodeiren baten
tripako min nabaria
eta atzazkalak jaten
nahi dugun gauzak eginik
nahiz presioa dakarten
ta askotan pentsatuz ea
atzera egin nezakeen
nahi dut ederto ibili
ta presioak jasaten
sarri helduei entzuna
izan baitiet esaten
lehen aldiak ez direla
inoiz errazak izaten. (bis)
Berak hemeretzi urte
nik hamazazpien duda
kotxean datorkit bila
hor hasteko abentura
nire parean jarri den
Opel Corsa txiki hura
ikusi dut bai, Leire da
beraz banoa barrura
gero arropak kendu ta
bizkortzean kalentura
azkenik begiratu nau
mozolo baten modura
ze tamalez bukatu dut
hasi ta hogei segundura. (bis)
Orain elkarren aurrean
zu eta ni, ni eta zu
itzela izango zela
pentsatu izan dut usu
ahalik eta ondoen
egongo ginan jo ta su
kerik ere ez dut lortu
eta lotsatu naiz, aizu!
Niri begira jarri zait
"Unai zer gertatzen zaizu?"
Irribarrik politena
eta bekokian musu
"lasaitu zaitez txikito
ikasteko asko duzu!" (bis)
Datu-base honetan eskainitako informazioari buruz jakiteko, kontsultatu lege oharra