Bertsoak - Fitxa ikusi Atal honi buruz gehiago jakiteko
2018-11-18 Berriz Txapelketa [Bertsoa] / Imanol Uria
| Bertsoa entzun |
2018-11-18 Berriz Txapelketa [Bertsoa] / Imanol Uria
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Gure kuadrilan euskerak
du egoera krudela
askok uste du Algortan
guztia horrela dela
baina gaur kuadrilako bat
hurreratu zait horrela:
Euskaltegian egin du
antza ahalegin itzela
ta aurpegira esan dit
"zuk nahi zenukeen bezela"
Euskaraldian euskaraz
hitz egin behar duela. (bis)
Eguna heldu artean
nabaritu dut lanean
eta hor hurreratu zait
euskarako planean
nahiz eta ibili garen
beti gure harremanean
erderaz ni hurbildu naiz
asmoetan onenean
baina haserre aurpegia
ipini dit zuzenean
hirugarren esaldia
zuzendu diodanean. (bis)
Esan dit: "Aizu horrela
ez dut hobeto egingo
akatsen bat aterako
badidazu esaldiro!"
Nahiz ta nik egiten nuen
asmo onez, maitekiro
nire buruan ideia
aldatzen joan da astiro
"bai, bale haserretzeko
duzu nahikoa motibo
segi euskeraz ez dizut
zuzenduko ta berriro!" (bis)
Datu-base honetan eskainitako informazioari buruz jakiteko, kontsultatu lege oharra