Bertsoak - Fitxa ikusi   Atal honi buruz gehiago jakiteko

2018-11-25 Igorre Txapelketa [Bertsoa] / Eneko Abasolo "Abarkas", Malen Amenabar

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-11-25 Igorre Txapelketa
Gai-emailea
Anzorandia, Idoia
Bertsolariak / Egileak
Abasolo, Eneko "Abarkas"
Amenabar, Malen
Lana
Binaka gaia-emanda
Jarritako gaia
Eneko, adinean gora zoaz eta egunerokotasunerako laguntzaile bat kontratatzea erabaki dozu. Oraintxe etorri da Malen laguntzailea. Gaur dozue lehenengo eguna alkarrekin.

Deskribapena

Doinua
Hamalau heriotzena I
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-11-25 Igorre Txapelketa [Bertsoa] / Eneko Abasolo "Abarkas", Malen Amenabar


Kokapena:  XDZ - Xenpelar Dokumentazio Zentroa 


Abarkas
Ja hanka bat ikusten
dut nire helmugan
nahiz ta oso gaztea
nagoen itxuran
bildur gabe sartu naiz
gure abenturan
konfiantza guztia
jarri nahi dut zugan
eta zuk esaidazu
zer egin behar dudan.

M. Amenabar
Lehendabizi ez zaitez
minetan erori
hau pasatuko jako
bizitzan askori
bizi beharko doguz
hainbeste istori
ta nik zainduko zaitut
maitekiro, ongi
emongotsut bizitzak
kendu deutsun hori.

Abarkas
Buruko fusibleak
ja total erreta
nire etxean galduta
ama, zenbat buelta
eta ezin aurkitu
sarri errezeta
eseri nire ondoan
tarteka-tarteka
ahotsak entzuteak
lasaitzen nau eta.

M. Amenabar
Lasaitu behar deutsut
zuretzat biharra
dutxan garbitukotsut
astiro bizkarra
gero prestau gosari
ona ta edarra
zuk euki pazientzia
eta nik indarra
hemen biok baitogu
alkarren beharra.

Abarkas
Negar malkoz bete da
nire begirada
leihotik ikusten da
heldu dela gaba
prestatuta ohea
prestatu izara
esan zaidazu gabon
ta eman besarkada
ta izan nik ez dudan
eduki alaba.

M. Amenabar
Nire bihotza ere
oin pozez bete da
tratatu behar zaitut
aitaren antzera
egun oso bat joan da
gutxi gorabehera
horrela egongo gara
gu biok batera
eta astiro egin
behar dogu aurrera.

Datu-base honetan eskainitako informazioari buruz jakiteko, kontsultatu lege oharra