Bertsoak - Fitxa ikusi   Atal honi buruz gehiago jakiteko

2018-12-15 Bilbo Txapelketa [Bertsoa] / Eneko Abasolo "Abarkas", Jone Uria Albizuri

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-12-15 Bilbo Txapelketa
Gai-emailea
Anzorandia, Idoia
Berriozabal, Maite
Bertsolariak / Egileak
Abasolo, Eneko "Abarkas"
Uria Albizuri, Jone
Lana
Binaka gaia-emanda
Jarritako gaia
Kuadrilakoak zarie. Zuen lagun baten hiletan egin dozue topo. Jonek esan deutsu berak ez dabela elizagaz ezer jakin gura, eta kanpoan geratuko dala elizkizuna amaitu arte.

Deskribapena

Doinua
Lagundurikan danoi II
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-12-15 Bilbo Txapelketa [Bertsoa] / Eneko Abasolo "Abarkas", Jone Uria Albizuri


Kokapena:  XDZ - Xenpelar Dokumentazio Zentroa 


J. Uria
Istripu baten joan zen
Aitorren ametsa
geroztik nola egin
pozaren defentsa?
Hemen egonagatik
ere Eneko kexa.
Nik ere ez dut gustuko
apaizaren meza
familiari azaldu
nahi diot babesa.

Abarkas
Familiak elizara
jotea pentsatu
dolua erakutsiz
nahiz ni hurreratu
baina ez noa barrura
ederki dut hartu
eta nik ezin diot
inori barkatu
Aitor sekula ez zen
elizara sartu.

J. Uria
Ai baina gurasoek
eliza akordu
eta barruan nola
ez gara egongo gu.
Gero etorriko dira
afari, otordu
agurtzeko badira
eta mila modu
gurea ere gerora
egingo diogu.

Abarkas
Tamalez gure Aitor
betirako joan zen
ta ni ordutik nabil
minetan agurtzen.
Gauero negar malkoz
ni naizenez urtzen
zertan ariko dira
gezurretan gurtzen?
Abadeak ez zuen
bera ezagutzen.

J. Uria
Eta elkarren kontra
nola garen hasten
nahiz ta denboran joan
heltzen eta hazten
ez dakigu agurtzen
ez dakigu ahazten
berdin ze erritual
ze adierazpen
bati agur esaten
ez da inoiz ikasten.

Abarkas
Agurra mingarri da
ezin da bestela
jendea minez dago
tristea, goibela
ta abadeak dio
zerura joan dela.
Ai, nik badakit ondo
ez dela horrela
Aitorrek inpernua
gurago zuela.

Datu-base honetan eskainitako informazioari buruz jakiteko, kontsultatu lege oharra