2018-12-15 Bilbo Txapelketa [Bertsoa] / Etxahun Lekue

Emakumea zara. Orain arte lana izan da zure bizitzaren erdigunea, eta gura zendun ardura postua lortu zendun. Azkenaldian haurdun geratzea darabilzu buruan.

Deskribapena

Doinua

Kas pote batzuk, txarroko ura

Neurria / Estrofaren izena

Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2018-12-15 Bilbo Txapelketa [Bertsoa] / Etxahun Lekue

Neurria: Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Kokapena: XDZ - Xenpelar Dokumentazio Zentroa

Enpresan sartu nintzen apropos
apurka-apurka bertan goia joz.
Inguratua naz gizonezkoz
nire albora keinuka datoz.
Ama izatea erabagi bat
hain da gogorra gaur-gaurkoz
izan be horri bere ganera
beste hainbat behar jatorkoz.
Pausua emon beharrean nau
aurre egingo dotset, ados!
Izan be erditu gurako neuken
haurrak guraso bi dekoz. (bis)

Neupe badekot nahiko memori
goi-karguetan zenbat istori
dana gorbata ta tripa-lodi
mitoak behar dira erori!
Arratsaldean esango deutset
beste kargudun askori
euki behar dodaz beratzi hilean
ume txiki bat edo bi
akaso eurak lotuko dira
erdi zurtuta ta "groggy"
ta nik serio esango deutset
"arazoa al da hori?" (bis)

Sasoi gogorrak dodaz aurretik
pañal kontuak ekarri etxetik
eta egongo direla dakit
zurrumurruak gero atzetik.
Zurrumurru horrek hautsiko dodaz
neure ahaleginez kolpetik
kristalezkoa dan sabai hori
puska eiteko ertzetik
ni goi-kargu bat izango naz bai
apustu eginda horregaitik
hemen pausuak eman behar dira
bai behetik eta bai goitik. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko