Bertsoak - Fitxa ikusi   Atal honi buruz gehiago jakiteko

2018-12-15 Bilbo Txapelketa [Bertsoa] / Eneko Abasolo "Abarkas"

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bizkaiko Bertsolari Txapelketa (17. 2018)
Saioa
2018-12-15 Bilbo Txapelketa
Gai-emailea
Anzorandia, Idoia
Berriozabal, Maite
Bertsolariak / Egileak
Abasolo, Eneko "Abarkas"
Lana
Bakarka gaia-emanda
Jarritako gaia
Nerabea zara. Zure gurasoek umetzat hartzen zaitue eta ez dabe zure iritzia aintzat hartzen. Gaur be familia bazkarian isiltzeko esan deutsue.

Deskribapena

Doinua
Baserrian jaio nintzan
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2018-12-15 Bilbo Txapelketa [Bertsoa] / Eneko Abasolo "Abarkas"


Kokapena:  XDZ - Xenpelar Dokumentazio Zentroa 


Nahiz ume txiki nintzela
ni bizi nintzen ederto
beti euren mimoekin
ta beti opariz lepo
baina denbora joan da
guzti hauxe aldatzeko
eurentzat traba naizela
pentsatu izan dut tarteko.
"Lagunekin geratuak
gara gu gaur afaltzeko"
eta aitak oihu baten
esan dit: "Ixo, Eneko!"
Honetara geratu naiz
aitatxori esateko
ez nintzela munduratu
beti isilik egoteko.

Ja aspaldi alboratu
txupetea ta pardela
jada urdin kolorezko
ez dago nire logela.
Orain ni senti naiteke
ume haundi bat bezela
garatzeko ez baldin bada
zertara gatoz bestela?
Aurpegira bota gura
diot aurreko pastela
kirioekin dantza baten
senti dezaket sabela
halako baten altxatu
ta esan diet horrela
sarri umeei entzunda
gehiago ikasten dela.

Baina aitatxo dugunez
sarri horren negatibo
amak laztan bat egin dit
maitekiro-maitekiro.
Badakit hasarratzeko
ez duela aski motibo
begiradaz bota dizkit
niri hiruzpalau tiro
eta horrela begira
ipintzen zaidan aldiro
hostia txarra barruan
nahi gabe gorantz da igo
"bueno, hemendik banoa"
ta esan diet astiro
"ni entzun nahi nauzunean
deitu nazazu berriro."

Datu-base honetan eskainitako informazioari buruz jakiteko, kontsultatu lege oharra