Bertsoak - Fitxa ikusi Atal honi buruz gehiago jakiteko
Bertso berriak [Zer modutan nabilen guztiok aditu] [Bertsoa] / Pello Mari Etxaburua "Asteasuko Itsua", Juana Manuela Irusta
Bertso berriak [Zer modutan nabilen guztiok aditu] [Bertsoa] / Pello Mari Etxaburua "Asteasuko Itsua", Juana Manuela Irusta
Neurria:
Zortziko txikia (hg) / Lau puntuko txikia (ip)
Dokumentu-mota:
Liburua
Kokapena:
XDZ - Xenpelar Dokumentazio Zentroa
1/
[Pedro Mari Etxaburua:]
Zer modutan nabillen
guztiok aditu,
gaztetan itxututa
nintzan ni gelditu;
andre flojua berriz
orain suzeditu,
deskalabro aundiak
Pedro Mariak ditu.
2/
[Juana Manuela Irusta:]
Ez iñork sinistatu
orren esanikan,
gezurtiagorikan
ezta gizonikan;
eziñ eragiñ diot
lan bat zuzenikan,
sekulan ez dit eman
egun bat onikan.
3/
[Pedro Mari Etxaburua:]
Ni desondratutzeko
dadukazu gala,
lotsatzen naiz jendea
parraz dagoala;
egiaz mintza zaite,
Juana Manuela,
tatxarik badarukat
esan bereala.
4/
[Juana Manuela Irusta:]
Desordenan zabiltza
beti zurrutean,
osasuna galtzen da
famili kaltean;
pixka eztezu bear,
txarroak hetean,
ito egingo zera zu
alakon batean.
5/
[Pedro Mari Etxaburua:]
Eranean ez naiz ni
askotan pasatzen,
geiegi ari zera
gizona lotsatzen;
ia aditzalleak
zer duen pentsatzen,
nik nai dedan moduan
etzera mintzatzen.
6/
[Juana Manuela Irusta:]
Orditzea utsa da
gero gaiztoago,
ondorean zurekin
lanik asko dago;
bizkarrekoa franko
ni artuta nago,
galduko zaitut jotzen
banazu geiago.
7/
[Pedro Mari Etxaburua:]
Begiratu ezkero
ondo eskiñetan,
faltatu izan dezu
zuk edozeñetan;
etzera sujetatzen
bear dan tamañetan,
etzaitut jo izandu
merezi añetan.
8/
[Juana Manuela Irusta:]
Merezi eztedala
zu ni jotzen asi,
komeria ederrak
ditugu ikusi;
ume danak karrasi,
andrea igasi,
makilIarekin jota
ontzi danak ausi.
9/
[Pedro Mari Etxaburua:]
Zeorri dakizu zuk
ondo gobernatzen,
gizona ta umeak
daudela penatzen;
beste bear duanik
eztezu pentsatzen,
itxua ark asten du
ziorra dantzatzen.
10/
[Juana Manuela Irusta:]
Gezurra esaten du,
eziñ sinistatu,
guk sortu-alak berak
nai ditu gastatu;
orditu eta joka
ontziak puskatu,
gizon ederra neri
zitzadan tokatu.
11/
[Pedro Mari Etxaburua:]
Gazte denboran
erraz azia, zera-ta,
ta oraiñ beti berriz
egoteko planta;
alperra izateko
ezer gutxi falta,
bat moldatu lezake
zurekin galanta.
12/
[Juana Manuela Irusta:]
Ni erdi alperra ta
zu berriz osoa,
ordituta gaubean
bai alimosoa;
goizean motel, gaizki,
txit lagrimosoa,
umeak azitzeko
ai zer gurasoa!
13/
[Pedro Mari Etxaburua:]
Jeneral oi dirade
pobreak umetsu,
Juana Manuela,
zuk ori badezu;
urtean bat egiten
ortxe darabiltzu,
azitzen itxu onek
naiko lan badizu.
14/
[Juana Manuela Irusta:]
Itxu-andrea dago
naiko trabajuan,
umeak utzi ta zu
edatera juan;
guk jateko falta ta
estadu bajuan,
orra nere denbora
zer moduz dijuan.
15/
[Pedro Mari Etxaburua:]
Enpadatua nago
itz txarrak aditzen
Juana Manuela,
kontu nun zabiltzen;
nere neurriak eztu
geiago kabitzen,
andrea, asi zaitez
neri obeditzen.
16/
[Juana Manuela Irusta:]
Arrazoi daukat eta
eziñ obeditu,
nere izpideari
nai diot segitu;
nai ezpadezu beste
gauzarik aditu,
itxua, obe dezu
isillik gelditu.
17/
[Pedro Mari Etxaburua:]
Andre onarentzat zuk
jardun geiegia,
enpadatutzen nazu,
orra esan egia;
mingaña lijero ta
atzea nagia,
urrikarria dago
zure familia.
18/
[Juana Manuela Irusta:]
Zu berriz ordituta
eziñ eginduta,
goizean jaiki nai ez
iñork aginduta;
umeen gisa anbat
oia zikinduta,
etziñake pagatzen
lepua kenduta.
19/
[Pedro Mari Etxaburua:]
Umeen matxurakin
neri kulpak eman,
desondratu nai nazu
aserrez ta teman;
ipiñitzeagati
gaiztoaren faman,
orra nere andreak
ze idea daraman.
20/
[Juana Manuela Irusta:]
Ordituta gauez zu
berandu euera,
goizean joan bear
paperak saltzera,
gauza ez ta etxean
gelditu atzera ...
orrelaxe askotan
ibillitzen zera.
21/
[Pedro Mari Etxaburua:]
Neri jartzen dirazu
ordien gradua,
andrea ere eztet
nik agoadua;
galanki eraten du
danean modua,
aldamenetik oi det
zeñek lagundua.
22/
[Juana Manuela Irusta:]
Neke da elizara
zu eramatea,
bakarrik maiz billatu
tabernako atea;
malizia ugari
dezun tunantea,
nik falta daukadana
zuk bai sobrantea.
23/
[Pedro Mari Etxaburua:]
Maliziak obeto
birtuteak baño
ikusi dizkitzut
nik zuri oraindaño;
eman izan dirazu
amaika engaño,
enpadatutzen nazu
atzeko alderaño.
24/
[Juana Manuela Irusta:]
Zuk asiera eta
nik errematea,
luzatu bage obe
pronto ematea;
itxusi da alkarri
gaizki esatea,
pixka bat sikiera
isildu zaitea.
Iturria: Zavala, Antonio. "Alzo'ko Imaz bertsolaria". Donostia: Sendoa, 1967. Auspoa liburutegia; 68-69-70. https://www.euskaltzaindia.eus/dok/iker_jagon_tegiak/auspoa/10634.pdf
Datu-base honetan eskainitako informazioari buruz jakiteko, kontsultatu lege oharra