Bertsoak - Fitxa ikusi Atal honi buruz gehiago jakiteko
2018-03-02 Legazpi Lagun-artekoa [Bertsoa] / Unai Agirre Goia, Aitor Sarriegi
| Bertsoa entzun |
2018-03-02 Legazpi Lagun-artekoa [Bertsoa] / Unai Agirre Goia, Aitor Sarriegi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Sarriegi
Beraz ostiralean
kontu ezberdina
U. Agirre
gaur aipatua degu
hori da jakina
A. Sarriegi
nik egunero eiten det
neretzat adina
U. Agirre
ondo esplikatu zazu
zure ahalegina.
U. Agirre
Irakasle omen zera
instituto baten?
A. Sarriegi
Bai bueno ta lagunak
gutxi dauzkat aurten.
U. Agirre
Goizeko lehen orduan
beti ez da joaten
A. Sarriegi
kostatzen baita orduan
klasea ematen.
A. Sarriegi
Goizean lo hartu det
hori da egia
U. Agirre
atzo parranda egin
zula alegia
A. Sarriegi
eta laguna daukat
gaur aluegia
U. Agirre
horregatikan dauka
gaur lo aurpegia.
U. Agirre
Eta ni altxatu naiz
goizeko seietan
A. Sarriegi
bueno arraroa da
zuregan benetan.
U. Agirre
Nahiz pixka’t lo gehiago
egin gehienetan
A. Sarriegi
egi gehiago zegon
bigarren horretan.
A. Sarriegi
Ni ere sei t`erditan
jeikitzen naiz baina
U. Agirre
honek buelta egiten du
pixa egiteko adina
A. Sarriegi
ia hartua nago
denborai tamaina
U. Agirre
honek ere langile
haundina mingaina.
U. Agirre
Zenbat ordu dauzkazu
zuk egun batean?
A. Sarriegi
Hogeita lau nioke
egia esatean.
U. Agirre
Alegia zenbat lan
gelako atean?
A. Sarriegi
Gelan bakarrik ala
etxera joatean?
A. Sarriegi
Nik lana egiten det
gelan ta etxean
U. Agirre
baina ez du egingo
denbora luzean.
A. Sarriegi
Zuk zer egiten dezu
sofara heltzean?
U. Agirre
Kuluxka txikiren bat
builarik ezean.
U. Agirre
Baina beti izaten det
nork molestatua
A. Sarriegi
hori da besterena
ezin juzkatua.
U. Agirre
Gure bizitzak ere
badu enkantua
A. Sarriegi
zeuk nahi dezulako ta
zeuk aukeratua.
A. Sarriegi
Ni bakarrik bizi naiz
ta oso gustura
U. Agirre
ez dezu usteko egin
dunik inork duda
A. Sarriegi
baina pagatu behar
argia ta ura
U. Agirre
hoik`e iristen dituk
Agirren kontura.
U. Agirre
Argia, ura eta
beste hainbeste gauza
A. Sarriegi
guztiak ordaintzea
ez dago erraza.
U. Agirre
Sarri egin nahi al dek
lista hori luza?
A. Sarriegi
Hirera bezelaxe
bidali zak hauntza.
A. Sarriegi
Nire listan badaude
zurean adina
U. Agirre
ta ematen al dizute
patrikako mina?
A. Sarriegi
Ez da bera batena
launa edo bina
U. Agirre
lasaiagoa litzake
lasaia bazina.
U. Agirre
Baina gustatzen zaizu
batetik bestera
A. Sarriegi
biharamuna gutxi
ta asko bezpera
U. Agirre
parrandan gora eta
eskietan behera
A. Sarriegi
munduan perfektoak
inor`e ez gera.
A. Sarriegi
Danoi gustatzen zaigu
ondo bizitzea
U. Agirre
zuri gustatzen zaizu
asko luzatzea
A. Sarriegi
bizitza gozau gabe
ez det nahi hiltzea
U. Agirre
lasaitu zaite Aitor
ederki ai zea.
U. Agirre
Honezkero esan leike
lortzen ai zerala
A. Sarriegi
hemen gehienak daude
gaur Aitor bezala.
U. Agirre
Nik ere ahal banu eingo nun
hori da normala
A. Sarriegi
zu ere saia zintezke
nola edo hala.
A. Sarriegi
Eta seguru nago
lortuko dezula
U. Agirre
bai baina orain arte
ezin nun sekula
A. Sarriegi
gainera esango nuke
ikusten zaizula
U. Agirre
gezurra esan det ta
ezin disimula.
U. Agirre
Ni`re ondo bizi naiz
ezin naiz kejatu
A. Sarriegi
hori zeinek lezake
beretzako hartu?
U. Agirre
Beti gaizki bagina
zeinek aguantatu?
A. Sarriegi
Ta ondo bizitzea
noiztik da pekatu?
A. Sarriegi
Bueno ondo bizitzen
ze gusto daukagun!
U. Agirre
Gehiago daude ondo
ta fijatu lagun
A. Sarriegi
bestela ezin litezke
afaritan jardun
U. Agirre
agurrak bota eta
despedi ditzagun.
Datu-base honetan eskainitako informazioari buruz jakiteko, kontsultatu lege oharra