Bertsoak - Fitxa ikusi Atal honi buruz gehiago jakiteko
2018-04-06 Zumaia Jaialdia [Bertsoa] / Andoni Egaña
Bertsoa entzun |
2018-04-06 Zumaia Jaialdia [Bertsoa] / Andoni Egaña
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
A. Egaña
Lazkao Txiki joan zitzaigun
miretsi bezin maitea
plaza askotan hainbat hutsune
bere umorez betea.
Hura zan hura disimuloan
esan eta esatea
mende laurdena joanda normala
guk gogoan izatea
bertsolaritza horixe baita
eteten ez den katea.
Ederki asko bete zuen hark
bere garaiko papela
gu gazteori esaten zigun
“Hori etzak esan horrela”.
Bere aholkua ez zen izaten
alperrikako orbela.
Ikusirikan gaur bertsogintza
maila hortan dabilela
seguru nago Lazkao Txiki
oso harro legokeela.
Gaur egunean bertsolaritzan
hainbat figura nabarmen
hoietan batzuk atzekaldean
ikus genitzake hemen.
Lazkao Txiki ordea bitxi
ta umorez beti lerden
bere txiste on bat sumatzen nuen
begira kontua zer den
begietara heltzen zitzaion
aho ertzera baino lehen.
Datu-base honetan eskainitako informazioari buruz jakiteko, kontsultatu lege oharra