BDB Bertsolaritzaren datu-basea

Informazio orokorra

Kategoria

Bat-batekoa

Saioa

2018-10-28 Gernika-Lumo Jaialdia

Gai-jartzailea

Enbeita, Onintza

Bertsolariak / Egileak

Iguaran, Oihana

Lana

Bakarka gaia-emanda

Jarritako gaia

Bideo bat ibili da bolo-bolo, non itsasoa dena plastikoz beteta ikusten den. Gernikan ere atzo feria eta gaur kalera irten zarenean, hemen ere kale guztiak plastikoz beterik daude.

Deskribapena

Doinua

Nahiz zoriontsu oroitzen dedan

Neurria / Estrofaren izena

Hamabiko handia (hg) / Sei puntuko handia (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2018-10-28 Gernika-Lumo Jaialdia [Bertsoa] / Oihana Iguaran

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

O. Iguaran
Hor ze piztia zikinak garen
aurreratu ustezkoak
nahiz zabor ontzi baten aurrean
denok esan baiezkoak
bere atzetik zaborra uzten du
bi hankako oinezkoak
ta alferrik dira aitzaki txarrak
ta ondorengo pretestoak
zaborrez lepo daude kaleak
tabernak eta puestoak.
Lekutan daude garai bateko
erosketako xextoak!

Nahiko genuke garai zahar haiek
aurrerantza ekartzea
baina aurreak agertzen badu
nola dantzatu atzea
kostatzen zaigu komeni zaigun
aldaketa onartzea.
Ez da hain zaila gure zaborra
bere ontzian sartzea
baina harrokeriz jarduten degu
alferrik da nekatzea
nonbait gehiago kostatzen zaigu
ohiturak berziklatzea.

Garbitzaleek erratzarekin
plazetan zenbat ahalegin!
Denok gurea jaso bagendu
litzatekeena atsegin.
Nola garbitu lauren artean
plaza nahi den bezain arin
argazki batzuk egin nahi ditut
aurretik mobilarekin
herria osoan jarriko diren
lotsaren kartelak egin
aurten zaborra hurrengo urteko
ongarria izan dedin.