Bertsoak - Fitxa ikusi Atal honi buruz gehiago jakiteko
2018-09-07 Zarautz Sariketa [Bertsoa] / Imanol Uria
| Bertsoa entzun |
2018-09-07 Zarautz Sariketa [Bertsoa] / Imanol Uria
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
I. Uria
Oroitzen dut gaztaroan
nola nindoan klasera
aurpegian garau pila
ta Pokemonen bisera.
Izaeraz umil samar
isila bai, baina zera
ez tratatzeko moduan
egin zidaten antzera
ikastolatik atera
eta berriro atzera
negarrez zenbat alditan
itzuli nintzen etxera! (bis)
Nahiz eta institutoan
ingurua bete etsaiz
esan bezala negarrez
nahiz ta etxera joan maiz.
Zorionez aldatu ta
hortik irten nintzen garaiz
gaur aipatzen badidate
azkar aldatu ohi dut gaiz
eta lanera joaten naiz
benetan umore alaiz
eta orduko lagunen
umeen irakasle naiz. (bis)
Mendekuaren lekuan
izango dut hutsunea
ez nuke gura zigortu
tokatu zaidan umea
baina hori bai egingo
dut nire iraultza xumea
gurasoekin bilera
ta heldu denean unea
esan diot aurpegira
galduta begirunea:
”Lasai ni ez naiz izango
zu bezain putakumea”. (bis)
Datu-base honetan eskainitako informazioari buruz jakiteko, kontsultatu lege oharra