BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Hernandorena Saria (12. 2018)

Saioa

2018-10-05 Hazparne Sariketa

Gai-jartzailea

Vrignon, Iulen

Bertsolariak / Egileak

Pagola, Eli

Lana

Bakarka gaia-emanda kartzelako-lana

Jarritako gaia

Gaztea izateak beti ukan du borrokarekin eta errebeldiarekin zerikusia. Egungo ikuspegitik, zuretzat zer da gazte izatea?

Deskribapena

Doinua

Goizean altxatu eta

Neurria / Estrofaren izena

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2018-10-05 Hazparne Sariketa [Bertsoa] / Eli Pagola

Neurria:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Kokapena:  XDZ - Xenpelar Dokumentazio Zentroa 

---

E. Pagola
Lehen dena mutur jotzea
lehen guztia trifulka
gero hitzera zabaldu
zigutenean disputa
beti gutxietsiak ta
zoko batean ahaztuta.
“Zer esango digu horrek
urte nahikorik ez du ta”.
Hitza jakintzagatikan
orduan nola ez uka?
Nahiz eta urterik urte
mantendu degun burruka (bis)
handik ez bada hemendik
baina beti zapalduta.


Baneza eta banitza
noiztik ez gera jardun?
Sekula ez gera batzen
lehen behar adina lagun.
Sarritan egiten degu
ta berriz egin dezagun
baina ezkortasunean
ez al gara bizi egun?
Hitzak urre gorriz bete
baina esaldiak lurrun
ametsak jartzen ditugu
ahal delarik oso urrun (bis)
eta ez gera ohartzen
zenbat egin dezakegun.

Hitzak errex doazela
nik`e badakit hainbeste
behingoagatik kritiko
ere ipini gaitezke.
Beti gaude negarrean
beti eskubide eske
ai harek egin balira!
Txikiak gera, hau ta beste!
Baina onartu dezagun
ez gabiltza hain desastre
gure txikian gerala
autonomo eta aske (bis)
aprobetxatu dezagun
ez gera betiko gazte.