2019-09-14 Oñati Txapelketa [Bertsoa] / Haritz Mujika, Felix Zubia

Jatetxe bateko mahaian eseri zarete elkarrekin. Karta erdaraz bakarrik
daukatela ikusi duzue. Felix, altxa eta beste jatetxe batera joatea proposatu dizu Haritzek.

Deskribapena

Doinua

Espainian behera

Neurria / Estrofaren izena

Hamarreko txikia (hg) / Bost puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2019-09-14 Oñati Txapelketa [Bertsoa] / Haritz Mujika, Felix Zubia

Neurria: Hamarreko txikia (hg) / Bost puntuko txikia (ip)
Kokapena: XDZ - Xenpelar Dokumentazio Zentroa

F. Zubia:
Lehenbizi entsalada
ta gero segida
karta hontan euskerak
nun dauka kabida?
Arrazoia dezula
ondo nabari da
baina ingurutara
jar zaitez begira:
euskeraz ez dakiten
txinatarrak dira.

H. Mujika:
Ba, nik nahiago joan
hala’re kalera
badaudelako beste
milaka aukera
beraz, altxa gaitezen
ta hemendik atera
euskaraz ez dakien
txinatarra bera;
gazteleraz ederki
ikasi dute ba!

F. Zubia:
Herri hontan erderaz
egiten da dena
horixe da kalean
ikusten detena
kontu hau aldatzeko
badegu ahalmena
ez ote da hobea
laguntzearena?
Geronek itzultzea
litzake onena.

H. Mujika:
Hortarako tarterik
ez zen aurrez edo
hau ikusita jada
nago bero-bero
eskubide urraketa
baita egunero
baino ados naiz tratu bat
burutu ezkero
faktura ordaindu gabe
joango gera gero.

F. Zubia:
Beraz fakturan doa
guk itzuli aina
hitzetan joan bedi
janaren ordaina
hizkuntza batek bere
hartzen du tamaina
kolpeka ikasten da
batzuetan baina
irensteko bakarrik
ez dela mingaina.

H. Mujika:
Hainbeste negozio
ta hainbeste diru
ta gu orain beraien
arauen gatibu
euskeraz ez daki ta
zu zera testigu
edo itxuraz behintzat
itxura hori du
“zenbat da?” Ederki asko
ulertuko digu.

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko