Bertsoak - Fitxa ikusi Atal honi buruz gehiago jakiteko
2019-09-15 Amasa-Villabona Txapelketa [Bertsoa] / Odei Lopez Larrauri, Iban Urdangarin
Bertsoa entzun |
2019-09-15 Amasa-Villabona Txapelketa [Bertsoa] / Odei Lopez Larrauri, Iban Urdangarin
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Urdangarin:
Laugarren konbatea
gutxi gorabehera
ta lehenengo kolpean
toalla lurrera
bota du Odei honek
sokatatik behera.
txikituko ote nauten
beldur ote zera?
O. Lopez:
Bai, ze ikusia det
zure begirada
ta hamaika apustu
egin ditut jada
gainera jaso’ituzu
ehun ukabilkada
hola biok irabazten
aterako gara.
I. Urdangarin:
Apustua eginda
zaude honezkero
bi masailak daduzkat
gorri eta bero
beldurra dedanikan
ez zazu espero
holako hartz batekin
prestatu ta gero.
O. Lopez:
Planifikatzen egin
nuen ahalegina
baina neri ez didazu
zuk ematen mina
biok atera behar
degu etekina
hemengo gehientsunak
eiten dun berdina.
I. Urdangarin:
Lodi jarri naute gaur
hain itxura mehetik
eta honek apustu
egin du gainetik
lehendabizi eskolan
hurrena etxetik
hartzen ohituta nago
jaio nintzenetik.
O. Lopez:
Umetatik zarela
dexente jasoa
berezia ez al da
Ibanen kasoa?
gogoz ikus dezaket
orain bere soa
ringan gainetik lasai
kantatu bertsoa.
Datu-base honetan eskainitako informazioari buruz jakiteko, kontsultatu lege oharra