Bertsoak - Fitxa ikusi Atal honi buruz gehiago jakiteko
2019-09-28 Zumarraga Txapelketa [Bertsoa] / Iñigo Izagirre
| Bertsoa entzun |
2019-09-28 Zumarraga Txapelketa [Bertsoa] / Iñigo Izagirre
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Jende behartsua bizi da hemen
askoren zero gunea
keak ta garrak hartu dute gaur
horma hauen hutsunea
nahiz ta lanean ohituta egon
ez naiz tipo immunea
eta grabatu zait gaur hementxe
igaro dudan unea
nere eskutan hartu dudana
bi hilabeteko umea. (bis)
Arnasa ematen saiatu gera
ez beldur, ez erreparo
baina gaixoak irentsi ditu
gaur kezko hamaika trago
nere buruai kolpeka eta
galduta nago zeharo
egoera hauek bizitzera ni
oso nazkatuta nago
irudipena daukadalako
azkena ez dela izango. (bis)
Inguru hontara begiratuta
nola izango da azkena?
Egurrezkoak egoitza pila
ze argindar sistema
auzo hontako jendeak badu
bizitzen ere problema
Foru Aldundia edo Udala
zein da ardura duena?
Ni bakarrikan ez naiz izan gaur
garaiz iritsi ez dena. (bis)
Datu-base honetan eskainitako informazioari buruz jakiteko, kontsultatu lege oharra