BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (11. 2019)

Saioa

2019-10-19 Andoain Txapelketa

Gai-emailea

Usarralde, Inaxio

Bertsolariak / Egileak

Martikorena Lizaso, Eñaut

Urdangarin, Iban

Lana

Binaka gaia-emanda

Jarritako gaia

Zuk, Iban, sagastiak dauzkazu, eta Eñaut kontratatu duzu sagarrak biltzeko. Buelta ematen duzun bakoitzean, sagarrak jaten harrapatzen duzu.

Deskribapena

Doinua

Lurralde dena dabil I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2019-10-19 Andoain Txapelketa [Bertsoa] / Eñaut Martikorena Lizaso, Iban Urdangarin

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Urdangarin:
Kontratatzeko bada
majina bat modu
ta honi jarri diot
eunen zortzi ordu
gutxi eskeintzen dit ta
ahal duena kendu
elefanteak baino
gose gehiago du.

E. Martikorena:
Bildu be irabazi
jabien pagotxak
hala’re nei atera
horrelako hotsak
hemen biltzen duena
behar du bakoitzak
kiskil kamutsa daukat
eta hortz zorrotzak.

I. Urdangarin:
Lanean hasten da ta
baztar danak nahasi
danak ditu gustoko
gozo eta gazi
honekin ezin det nik
ezer irabazi
hiru behor jartzea
hobe nuen kasi.

E. Martikorena:
Nik Errezil sagarrak
zu erretxinduta
beraz nei kontratua
nahi didazu buka
bai, hobe izango da
behorrak sartuta
zukin egongo baita
sasiak hartuta.

I. Urdangarin:
Gainera erantzuna
zutik eta tinko
ea aldegiten duen
ondotik betiko
ibiltzen bada horren
itxura urriko
berriz’e egongo haiz
paroan, mutiko.

E. Martikorena:
Paroan egotea
ez da dotorea
baina morrontzan baino
askoz’e hobea
paroan nik dirurik
ez nuke ordea
beraz kendu beharko
dizut traktorea.