Bertsoak - Fitxa ikusi Atal honi buruz gehiago jakiteko
2019-10-20 Irun Txapelketa [Bertsoa] / Agin Laburu, Haritz Mujika
| Bertsoa entzun |
2019-10-20 Irun Txapelketa [Bertsoa] / Agin Laburu, Haritz Mujika
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
H. Mujika:
Etxeko andre izana
beregain zeuzkan bi zama
orain kolpetik aldatu zaigu
ta ze panorama!
Facebooka ta Instagrama
egin nahi omen du dana
eskutatikan ziharo juten
ari zaigu ama. (bis)
A. Laburu:
Hara goizero-goizero
sukaldian bi bezero
ta mikroondasa jartzeko ere
problema dik edo
jakingo dek honezkero
ezin besterik espero
gero laguntza biharko dula
ia egunero. (bis)
H. Mujika:
Hasi da portatilean
gero besteak sailean
ta semeok, bueno, hementxe
postura zailean
tabletean, mobilean
ea hurrengo hilean
jakin nahi nuke ze argazki jartzen
duen perfilean. (bis)
A. Laburu:
Perfila edo eskela
jakin berdina ez dela
amari hori azaldu behar
diogu bestela
baina, Haritz, dena dela
egin dezagun horrela
ta Facebooketik esango ziguk
“Agin, jaso gela!”. (bis)
H. Mujika:
Gelan zenbat zirrikitu
ta haiek ixtera abitu
ta amak baietz presio hori
erabat haunditu
gu hontan gera bi urritu
eta ez zaite harritu
amak gu baino “me gusta” gehio
pilatzen baditu. (bis)
A. Laburu:
Arrazoi dek ia-ia
orain gure komeria
zein izan leiken bazekiagu
hori dek egia
egiten zidak grazia
gurdia eta iria
gero kontutan hartu bihar dek
aitan inbidia. (bis)
Datu-base honetan eskainitako informazioari buruz jakiteko, kontsultatu lege oharra