Bertsoak - Fitxa ikusi Atal honi buruz gehiago jakiteko
2019-11-02 Azkoitia Txapelketa [Bertsoa] / Beñat Gaztelumendi, Ane Zuazubiskar Iñarra
| Bertsoa entzun |
2019-11-02 Azkoitia Txapelketa [Bertsoa] / Beñat Gaztelumendi, Ane Zuazubiskar Iñarra
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Zuazubiskar:
Karneta lortu genuen eta
gu gera gidatzeko gai
nik gidatzen dut astiro eta
poliki ere bai, lasai.
Zu ez zabiltza semaforoa
berdean ipintzeko zai
nik neregatik betetzen ditut
baina zugatik ere bai.
B. Gaztelumendi:
Ni zuregatik ahalegintzen naiz
ahal dela puntual heltzen
eta radar bat ikusi arte
kotxerik ez det moteltzen
nahiz ta arauak jartzearena
hain ideia txarra ez zen
karneta denok daukagu baina
inork ez ditu betetzen.
A. Zuazubiskar:
Bete ezin den lege guztiek
salbuespena daukate
zu lasai-lasai joaten zara
baina beste denon kalte
araudia ta lege guztiak
utzita, Beñat, aparte
halako lasai ibiltzen gara zerbait
pasatzen den arte.
B. Gaztelumendi:
Pasatu arte hortaz ez zazu
gehiegi pentsatu, hara
guztiok maite degu kotxea
eta maite abiada
ehun ta berrogei pasata zenbat
jende autopistan jada
arauak bete nahi dituena
arriskutsuagoa da.
A. Zuazubiskar:
Beraz arrisku hutsa nauzu ni
egiteagatik kasu
nire ziurrak eta zorrotzak
egin dizu enbarazu
karneta igual baduzu baina
arriskutsua zara zu
L-a kendu zenuen baina
stopa hartu ezazu.
B. Gaztelumendi:
Inoiz multa bat ipini arte
halaxe nabil gustora
stopa egin behar dudala
zuk esatea asko da
asanbladatik asanbladara
eta saiotik saiora
nere kotxea gidatzen det nik
bizi naizen erritmora.
Datu-base honetan eskainitako informazioari buruz jakiteko, kontsultatu lege oharra