Bertsoak - Fitxa ikusi Atal honi buruz gehiago jakiteko
2019-11-24 Oiartzun Txapelketa [Bertsoa] / Iñigo Mantzizidor "Mantxi", Alaia Martin
| Bertsoa entzun |
2019-11-24 Oiartzun Txapelketa [Bertsoa] / Iñigo Mantzizidor "Mantxi", Alaia Martin
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Martin:
Erahila, eroria
gaizkia edo ongia
zulo iluna, haran handian
zegon hilobia
nik badakit teoria
ta zer den kare goria
subjetikboa izan da beti
euskal historia. (bis)
Mantxi:
Dena Nafarroa dala
nik badakit zuk bezala
baina kontatzen dezun guztia
ez degu kabala
aizu, zuk dezu azala
iruditzen baitzait hala
historiatik ipuinetara
pasatzen zerala. (bis)
A. Martin:
Ez dut horrela sentitzen
historiko mila izen
kunetetan ta ipuin galdutan
baitira gelditzen
ni ahalegintzen naiz fintzen
eta haiek ahalegintzen
liburuetan jartzen duena
zalantzan ipintzen. (bis)
Mantxi:
Gure histori aberatsa
ta zure ipuinen saltsa
ume guztiak nahastu dituzu
ta hori ez da martxa.
Sabino santu zen antza
ta Franco euskaldun latza
zuk libururik zabaldu dezun
eiten det zalantza. (bis)
A. Martin:
Usoaren irriparra
arranoen atzaparra
irakurri dut, igual zuk duzu
pentsatu beharra
zer zen ETA militarra
edo Franco kabroitzarra
egi guztiak kontatzen ditut
ez egi bakarra. (bis)
Mantxi:
Euskal Herri bat munduan
denok amestu genduan
baina ipuin bihurtzen dezu
lehenengo segunduan
hara usoa non duan
ta arranoa inguruan
esan bezela txori gehiegi
dauzkazu buruan. (bis)
Datu-base honetan eskainitako informazioari buruz jakiteko, kontsultatu lege oharra