Bertsoak - Fitxa ikusi Atal honi buruz gehiago jakiteko
Okhertuak bere okhertzaileari [Bertsoa] / Joan Batista Elizanburu
Okhertuak bere okhertzaileari [Bertsoa] / Joan Batista Elizanburu
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Fortuna erori zait burutik behera,
Zuri baitautzut esker, gure jaun Barbera!
Harriturik bakhotxa niri dago beira
Bi begiez...
Nik guziak ikhusten begi bakhar batez!
Lehen biez,
Orai batez,
Oro ikhusten begi batez!
II
Mundu hau bethea da zenbat nahigabez;
Barberak okhertu nau, abiltxe izanez!
Lehen banindagoen ardura nigarrez
Bi begiez...!
Zertako biez egin? Aski date batez!
Lehen biez,
Orai batez;
Jaun hari esker, begi batez.
III
Nonbait balinbadira bi bosliberako,
Bietarik ohoinak ez dik bat utziko,
Zuhurra den gizonak ez beza egin lo
Bi begiez!
barberak manaturik, egiten dut batez;
Lehen biez,
Orai batez,
Zuhurren gisa, begi batez!
IV
Zure ohoratzeko, gure jaun Barbera,
Lau kopla ez dirade izanen sobera.
Lehen ikhusten nuen Betirisants bera
Bi begiez!
Milesker, jaun Barbera, egundanik batez;
Lehen biez,
Orai batez,
Hobe lizate niholaz-ez!
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 218 or.
http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra