BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (37. 1889. Doneztebe)

Bertsolariak / Egileak

Artola, Ramon (1831-1906)

Deskribapena

Izenburua

Eguzkiyaren sarrera

Dokumentuan jasotako izenburua

Eguzkiyaren sarrera

Dokumentuan jasotako bertsoaren hasiera

Eguzkiyak makurka Mendiyen atzean

Sinadura

Ramon Artola

Data

1889-00-00

Bertso kopurua

5

Bertso dokumentu mota

Liburua

Edukia

Interneten

http://hedatuz.euskomedia.org/4008/

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Orrialdeak

361

Eguzkiyaren sarrera [Bertsoa] / Ramon Artola

Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Eguzkiyak makurka
Mendiyen atzean,
Gordetzen du argiya
Ilunabartzean:
Urre disdirak gero
Itsasperatzean,
Eta goiak tinta fin
Politak artzean,
Tristura bat sentitzen
Baita biotzean.

II
Egunari indarrak
Zaizkanean iltzen,
Tristuraz dira gauza
Guziyak umiltzen:
Loreak joaten dira
Makurka muiskiltzen,
Mitxeletak urrezko
Egotxoak biltzen,
Eta txori txikien
Kantubak isiltzen.

III
Negarti ikusten da
Mugitzen ibaia,
Triste errekatxoa
Tristeturik goia:
Mur mur iturtxoloko
Ur kristal garbiya,
Paltatzen zaiolako
Zeruko argiya,
Eta ilun ta triste
Itsaso aundiya.

IV
Zabalde igaroak
Ainbeste nazpila,
Galtzen du egunazko
Mur mura ta buila,
Saguxarrak irteten
Dira jaukai bila,
Aitzen da ermitako
Ainari ezkila,
Eta itxura dena
Gelditzen da ila.

V
Ontan izar zeruban
Barrenen zeudenak,
Dis dis azpiyan dira
Azaldutzen denak;
Eta sarri, guk aruntz
Begira gaudenak,
Nairik gerenganatu
Indar galdu denak,
Lotan jartzen ditugu
Nekeakin penak.

Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 361 or. http://hedatuz.euskomedia.org/4008/