BDB Bertsolaritzaren datu-basea

Informazio orokorra

Kategoria

Bat-batekoa

Saioa

2019-05-04 Dima Berezia

Gai-jartzailea

Sarriugarte, Danele

Bertsolariak / Egileak

Alberdi, Uxue

Amuriza, Miren

Jarritako gaia

Denda bateko erakusleihoan zaudeten Jenis Joplin eta Basa nobeletako protagonistak zarete: Nagore eta Sabina; bakoitza bestearen eleberriko protagonista, elkarrekin hizketan.

Deskribapena

Doinua

Behin batean Loiolan III

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2019-05-04 Dima Berezia [Bertsoa] / Uxue Alberdi, Miren Amuriza

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Amuriza
Sabina elkarrizketa
eskean natortsu
emakume indartsuan
itxura daukozu
albotik zur eta lur
begira naukozu:
basurde buru hori
nun erosi dozu? (bis)

U. Alberdi
Ba zuk pizten didazu
nahikoa arrisku
porroari tira ta
eiten duzu txistu
lepoan kate zorrotz
eta praka istu
euskalduna zarenik
ezin dut sinistu. (bis)

M. Amuriza
Ni naz elgoibartarra
ez dakizu? Hara!
Indarra daukazula
igarri dot jada.
Kamiseta dendaren
portalean laga
eta biluzik bueltau
nahi dot portadara. (bis)

U. Alberdi
Igual usteko duzu
zu zarela aske?
Oraindik zaude berde
bigun eta gazte
hainbeste kejatzerik
nik ez nuke uste
larre motzean hezi
izan bazintuzte. (bis)

M. Amuriza
Elgoibarren larrerik
ez dago tamalez
joan beharko natzaizu
neu zureen galdez.
Bi mundu gara biok
ta ulertu eginahalez
ni kaleak hezi nau
baina nik bera ez. (bis)

U. Alberdi
Ni andra gogor bat naiz
eta zu makarra
ezpain ertzean biok
dabilgu marmarra
baina gobernatzeko
badegu indarra
zuk taberna zuloa
nik baserri zaharra. (bis)