BDB Bertsolaritzaren datu-basea

Informazio orokorra

Kategoria

Bat-batekoa

Saioa

2020-07-05 Zaldibar Jaialdia

Gai-jartzailea

Berriozabal, Maite

Bertsolariak / Egileak

Maia, Jon

Lana

Bakarka gaia-emanda

Jarritako gaia

Bertso asko eskatu dizkizuete konfinamenduan. Orain beste eskaera bat jaso duzu. Bere bikotea eta bere maitaleari buruz hiru bertso eskatu dizkizu. Bat bere betiko bikoteari iradokiz haustura, bigarrena maitaleari aukera berriak iradokiz eta hirugarrena, aurreko aukerak kale eginez gero, bietako egoerak konpon ditzakeena.

Deskribapena

Doinua

ETAren su-etenetik

Neurria / Estrofaren izena

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2020-07-05 Zaldibar Jaialdia [Bertsoa] / Jon Maia

Neurria:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Kokapena:  XDZ - Xenpelar Dokumentazio Zentroa 

---

Zer moduz zaude maitea
ni oso-oso gustora
konfinamendu honetan
nere barreneko lora
bakardadean hazi da
eta nago txora-txora
nota haundiz pasatzen det
itxialdiaren froga
zuk segi zure etxean
eta ez zaite aztora
ni bakarrik ondo nago
azkar joaten zait denbora
agian itxialdi hau
betirako izango da. (bis)

Epa, bueno, ze muz, kaixo...
oso denbora luzean
jardun naiz irudikatzen
poesia bat haizean
bakarrik ez nago ondo
itxialdiko leizean
ta altxor bat topatu dut
zu zaitudan konplizean
ez naiz lasai geratuko
gauza bat esan ezean
nola hortxe bizi zaren
aldameneko etxean
haruntza begira nago
balkoira ateratzean. (bis)

Nola nagoen ez dakit
ze gorputz eta ze modu
eguna batzutan baita
infernu, bestetan zeru
buruaren bi aldetan
deabru eta aingeru
hola gaudenak burua
ere galdu dezakegu.
Bata zein besteak, biak
zarete nere eredu
nere udaberri ta uda
nere udazken, nere negu
zuek idatzi neri ta
gero ikusiko degu. (bis)